HOSEA 8:6 - Pathien Lekhabu Inthieng (BSI)

⁶ Israela inthawk chun hi hi a ni si a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

HOSEA 8:6 ပူးပေါင်းရင်းမြစ်များ

2 LALHAI 23:15

Chu naw khawm chu Israelhai thil insuksuoltirtu Nebat naupa Jeroboamin Bethela maichâm le bâwlhmun a siem chu, chu maichâm le bâwlhmun chen khawm chun a sukchim bawk a; chuongchun, bâwlhmun chu a raw a, a sir nâwi dap a, Asera chu a raw ta a.

2 LALHAI 23:19

Chun, Israel lalhaiin Lalpa suklungsena an bâwl Samari ram khuohaia bâwlhmun inhai po po khawm chu Josia chun a sawn hmang a, Bethel khuoa a thaw ang chiein a thawpêk ve a.

2 CHANCHIN SUINA 13:8

Chun, tuhin David naupasalhai kuta Lalpa ram chu do thei dingin in inngaituoh a, mipui nasatak in na, in kuoma chun in pathienhai dinga Jeroboamin a siem rângkachak bâwngtehai chu an um bawk a.

2 CHANCHIN SUINA 31:1

Chun, hieng thil po po hi zo a ni hnung chun, Israel chutaka umhai po po chu Juda khawpuiahai chun an fe a, lungphunhai chu an suknâwi a, Asera chu an phûrthlûk a; Benjamin le Juda ram po poa bâwlhmunhai le maichâmhai chu an vuok chim vawng a; Ephraim le Manasse rama khawm, a rênga an suksiet vawng hmakhat chun an thaw pei a. Chu, Israel mipuihai chu, mi tin mâni hmun nei sengah, mâni khawpui sengah an kîr ta a.

JEREMIA 10:14

Mi tin el chu ngawngtak, hrietna nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, annia chun inthuokna a um si naw a.

JEREMIA 48:13

An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

HOSEA 10:2

A lungril chu sukṭhein a um a, Tuhin chu thiemnaw changin um tâng an tih. An maichâmhai chu amân vaw chim a ta, An lung inser phunhai chu suksieng a tih.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

MIKA 1:7

A milem siemfâwmhai po po chu sukkawi hâwp vawng nîng an ta; a nawchizawr manhai chu meia raw hmang nîng a tih, a milemhai po po chu sukbohmang ka tih; nawchizawr mana a lâk khâwm a ni leiin, nawchizawr man bawkin ṭhang an tih.

HABAKKUK 2:18

Milem a kera ker, a siemtuin a iker chun Ieng am ṭangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭangkâina ieng am a um a?

THILTHAWHAI 17:29

Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiemna le ngairuotnaa suthai ang hi ni dingin ei ngai ding a ni nawh.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.