HOSEA 8:2 - Pathien Lekhabu Inthieng (BSI)

² “Ka Pathien, keini Israelhai hin chu kan hriet che,” Tiin ka kuomah an khêk a.

HOSEA 8:2 ပူးပေါင်းရင်းမြစ်များ

2 LALHAI 10:16

Chun, ama chun, “Ka kuomah hung ve la, Lalpa ta dinga ṭhahnem ka ngaizie hi hang hmu ve hrim ta khai,” a ta. Chuongchun, a tawlailîra chun ân chuongtir ve ta a.

2 LALHAI 10:29

Nisienlakhawm, Nebat naupa Jeroboam suolna-Israelhai thil insuksuoltira a thawhai chu Jehu chun a bân chuong naw a; chu chu Bethel khuo le Dan khuoa rângkachak bâwngte lim biek a nih.

JEREMIA 7:4

‘Lalpa biekin chu, Lalpa biekin chu, Lalpa biekin chu hi hi a nih,’ ti thukhêl dâm hi ring naw ro.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

HOSEA 8:3

Israelhai chun thil ṭha chu an hnâwl a; Hmêlma chun anni hnawt a tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MATTHAI 25:11

Chu hnunga chun, nunghâk inthieng danghai khawm chu an hung tlung a, ‘Pu, pu, mi hawngpêk rawh,’ an ta.

MATTHAI 7:21

“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

1 JOHAN 2:4

A thupêkhai pawm si lovin, “Ama ka hriet,” titu chu mi khêlhlip a nih, thutak amaah a um nawh.