HOSEA 7:16 - Pathien Lekhabu Inthieng (BSI)

¹⁶ An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

HOSEA 7:16 ပူးပေါင်းရင်းမြစ်များ

INPÂKNA HLABU 12:3

Lalpa chun inpâk tehlêmna hmûr po po chu ât thlâng a ta, Thu chapotak hrilna lei le chun.

INPÂKNA HLABU 12:4

Anni chun, “Ei lei hin hnêng ei ta, Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.

INPÂKNA HLABU 12:5

Lalpa chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a ti a.

INPÂKNA HLABU 17:10

Anni chu anni thâu vêka inhuonin an um a, An bauin chapotakin an ṭawng hlak.

INPÂKNA HLABU 52:2

Thil suol tak thaw i suongtuo hlak a, I lei chu rêpvâw chem ngeitak ang a na, Khêlhlip a sâksuok hlak.

INPÂKNA HLABU 57:4

Ka hringna hi sakeibaknei laiah a um a, Mihriem nauhai fa zo hmangtuhai laia chun ka zâl a. Chuonghai hahai chu fei le thalhai an nih; An lei chu kâwlhnâm ngeitak a nih.

INPÂKNA HLABU 73:9

An bau chu vânahai khin an sie a, An lei chun hnuoi hi a fang thleng hlak.

INPÂKNA HLABU 78:37

An lungril chu ama kuomah ân dik si naw a, A thuthlunga chun ring an um bawk nawh.

INPÂKNA HLABU 78:57

Ngha kîrin, an thlatuhai angin vervêktakin an thaw ta lem a: Thalngul ringum naw angin an fe kâwi ta a;

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

EZEKIEL 23:32

“Lalpa Pathien chun hieng hin a tih: I unaunu no tung lientak chu i dâwn ding a nih, Hmusita nuisanin um i ta, hrilinsîm ni bawk i tih, A keng râwn hle si a;

EZEKIEL 36:20

Chun, hnamhai laia an hung chun, an fena tieng tieng ka hming inthieng chu an sukpawrche a; chutaka chun mihai chun, ‘Hienghai hi Lalpa mihai chu an na, a rama inthawka suokhai chu an nih,’ an ti a.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

HOSEA 11:5

Aigupta rama chun kîr nâwk ta naw nih; Nisienlakhawm, hnungkîr an nuom naw leiin, Assuria chu a lal nîng a tih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni si a.

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

HOSEA 9:3

Lalpa rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

HOSEA 9:4

Lalpa kuomah uoin chu bun suok nâwng an ta, An thilinhlânhai chu a ta dingin lâwmum ni bawk nâwng a tih; An bei chu lusûnhai bu ang nîng a ta, A fa taphawthai chu sukpawrche nîng an tih. An bei chu an hringna ta ding chau nîng a ta, Lalpa inah hunglût naw nih.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

MALAKI 3:13

“In thuhai chu ka chungah a hrawmhraw êm el, sipaihai Lalpa chun a tih, Nangni chun, ‘Ieng âm kan hrilsiet che a?’ in ta.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

MATTHAI 12:36

Chun, ka hril cheu hi, mihaiin thu teplo an hril taphawt, chuong thu chanchin chu ngaituo nia chun hril an tih.

LUKA 8:13

Chun, pielthlêng chunga mi chu hieng hi an nih; an hriet phingleh thu chu lâwmtaka pawmhai hi; nisienlakhawm, zung hrim an nei nawh, sâwt nawtê chau an awi a, thlêma an um phaleh an bânsan nâwk hlak.

JAKOB 3:5

Chuong ang bawkin, lei khawm hi taksa pêng chîterek a na, nasatakin a uong hlak. Ngai ta u! mei chîterekin ram a va kâng nasa de!

2 PETER 2:8

(chu mi fel chu anni laia a umin a mitin a hmu a, a nain a hriet a, dân naw anga an thilthawhai chun a lungril fel chu ni tin an sukna bêk bêk hlak si a.)

THUPUONGSUO 13:5

Chun, uongna le Pathien hrilsietna thu hrilna bau a kuoma pêk a na, thla sâwmli pahni châng dingin thuneina pêk a ni bawk a.