HOSEA 7:14 - Pathien Lekhabu Inthieng (BSI)

¹⁴ An lungril takin an mi ko naw a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel si a.

HOSEA 7:14 ပူးပေါင်းရင်းမြစ်များ

FESUOKNA 32:6

A zînga chun inhmatakin an tho a, pumrawhmang thilinhlânhai chu an inhlân a, inremna thilinhlânhai chu an hung lâk ta a: chuongchun, mipui chu fa ding le dâwn dingin an ṭhung a, inhnel dingin an tho ta a.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni lova ṭhuoi hmangin an um si a, Lalpain a ti a, an chunga rorêltuhai chu an khêk tuor tuor a, Lalpain a tih, ka hming hi sûnnithlâk thlâka hrilsietin a um hlak.

ISAI 65:14

ngai ta u, ka siehlawhai chu lungrila an lâwm leiin hlimtakin hla sak an ta, nangni ruok chu lungrila in lungngai leiin ṭap in tih, thlaraua in lungngai leiin khêk rak rak in tih.

JEREMIA 12:2

Nang chun anni chu i phun ta a, anih, zung khawm an kei a; an hung inṭhang a, ra khawm an hung ra ta a; an baua chun nang chu i hla naw hle a, an sûnga ruok chu i hla a nih.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

ṬAP HLA 2:18

An lungril chu Lalpa kuomah a khêk a; Aw Zion naunu kul, sûn le zânin mitthli chu vadung angin inluongthlâktir rawh; Sâwldamna chu nang le nang inpe naw la; i mitthli luong chu ma naw raw se.

HOSEA 13:16

Samaria chu sukrêmin um a tih, A Pathien chungah a hel si a; Kâwlhnâma sukthlûkin um an ta, An nautêhai chu peinawi nîng an tih, An nuhmei nau vawn laihai chu phirthlêr nîng an tih.

HOSEA 13:6

An fâk ding dawnga chun an tlai a, An tlai chu an lungrilin an chapo pha a, Chuongchun, an mi theinghil ta a nih.

HOSEA 13:9

Aw Israel, nangma ṭhangpuitu i mi do hi, I sietna a nih ie.

HOSEA 3:1

Chun, Lalpa chun ka kuomah, “Fe nâwk ta la, nuhmei, mi dangin an idit lai, uirenu chu va hmangai rawh, Israel mipuihai chu pathien dang tieng nghain grêp bei thlum chu ngaina hai sien khawm Lalpain a hmangai zing ang bawk hin,” a ti a.

HOSEA 8:2

“Ka Pathien, keini Israelhai hin chu kan hriet che,” Tiin ka kuomah an khêk a.

AMOS 2:8

maichâm tin bula puon siekham chunga chun an zâl hlak a, an Pathien ina chun mi an inchawitir manhai chun uoin an dâwn hlak a.

AMOS 8:3

Lalpa Pathien chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

MIKA 2:11

Mumal neilo le indik nawtaka, “Uoin le zu chungchang thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

ZEKARIA 7:5

“Hi rama mi po pohai le thiempuhai kuoma chun hieng ang hin thu hril rawh, ‘Hi kum sâwmsari sûnga thla sarina le thla nganaa bu in ngheia in insuklungngai hin, keia kuoma, keima kuom ngeia bu nghei am in ni ngût le?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

JAKOB 4:3

in hni a, in hni indik naw leiin in hmu nawh, in inhawitirna dingin hmang in tum si a.

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.

RORELTUHAI 9:27

Chuongchun, lo tieng an fe a, an grêphai chu an lo a, an chîl a, ruoi an ṭhe a, an pathien inah an lût a, an fâkin an dâwn a, Abimelek chu an deusaw a.