HOSEA 7:1 - Pathien Lekhabu Inthieng (BSI)

¹ Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom si a,

HOSEA 7:1 ပူးပေါင်းရင်းမြစ်များ

ISAI 28:1

Ephraimhai zu inruihmanghai chapona lallukhum chung le, an mawina ropui pâr ṭuoi mêk, uoin inchie hnea umhai ruom ṭhatakin a khum chung chu a rik ie!

ISAI 59:12

Kan bawsietnahai hi i hmaah a pung ta si a; kan suolnahai hin a mi hêk hlak a nih: kan bawsietnahai hi kan kuomah a um zing si a, kan khawhlonahai chu kan hriet a nih:

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 59:14

Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing si a, indikna hlak chu a lût thei naw a.

JEREMIA 51:9

Babulon chu sukdam ka tum a, nisienlakhawm, sukdamin a um si naw a; ama chu mâksan unla, mi tin chu mâni ram sengah fêng ei tiu; a chungthu rêlna chun vân a tlung ta si a; vânhai chena dawm sâng chu a ni ta si a.

EZEKIEL 16:46

I zuorpui upa lem le a naunuhmeihai chu i vawitienga chêng Samaria hi a na; chun, i zuorpui naupang lem i changtienga chêng chu Sodom le a naunuhmeihai hi an nih.

EZEKIEL 23:4

An hminghai chu, a upa lem chu Ohola a na, a sangnu chu Oholiba a nih; ka ta an hung ni a, naupasalhai le naunuhmeihai an hung nei ta a. Chun, an hming thua chun Ohola chu Samaria a na, Oholiba chu Jerusalem chu a nih.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 11:12

Ephraim chun khêl thuin a mîn huol vêl a, Israel sûnghai chun hlêmnain; Juda ruok chu Pathien ihriet zingin a um a, Mi Inthieng chunga chun ring a um a nih.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 12:2

Lalpa chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

HOSEA 4:17

Ephraim chun milim ân zawmpui ta a; A um umin um raw se.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni chunga ding a ni si a; Mizpaa chun châng in ni a, Tabor tlânga lên in zar leiin.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni si a.

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

HOSEA 8:5

Aw Samaria, i sebâwngte lim chu a hnâwl ie; An chungah ka lunginsen êm êm a nih. Nun tluongtlama an um thei hma chu ieng chen tak am a ni ding chu.

HOSEA 8:9

Ram sabengtung khât tla angin Assuria ramah an hang fe si a; Ephraim chun a dit zâwnghai a tlawn ie!

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” Lalpain a ti a.

AMOS 3:9

Asdod lal inhaia le Aigupta ram lal inhaia chun hril unla, “Samari tlâng chunghaia chun inkhâwm unla, chun, chutaka buoina lientak umhai le nêksâwrna umhai chu en ro.

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

LUKA 13:34

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu; ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum kha! Nisienlakhawm, in nuom si nawh.

LUKA 19:42

“Aw, nang hin tuta sûng hin thlamuongna ding thu hi lo hre hrâm la chu aw! Nisienlakhawm, tuhin chu i hmu thei nawna dingin ân thup ta si a.