HOSEA 6:4 - Pathien Lekhabu Inthieng (BSI)

⁴ Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni si a.

HOSEA 6:4 ပူးပေါင်းရင်းမြစ်များ

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 34:15

Chun, tu el khawm in hung lamlêt a, mi tinin mâni tuolbâwm ta dinga zalênna puongin, ka mithmuah thilindik chu in thaw ta a; chun, ka hming chawia ko ina chun ka hmaah thuthlung khawm chu in lo siem ta bawk a.

JEREMIA 5:23

Amiruokchu, hi hnam hin lungril hel le, lungril inher an nei a, an hel a, an fe ta a.

JEREMIA 5:7

Iengtin am ngaidam thei ka ti che a? I thlahai chun an mi nghatsan ta a, pathien ni lohaia chun an inkhâm ta a; khawptaka ka châwm lai khawmin, an uire ta a, nawchizawr inahaia chun a pâwl pâwlin anni chu an inkhâwm tâwl a.

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 9:7

Chuleiin, sipaihai Lalpa chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

HOSEA 7:1

Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom si a,

MATTHAI 13:21

nisienlakhawm, amaa chun zung a um naw leiin sâwt nawte chau a um a; chun, thu lei chun, rinumna amanih, suknawmnatna amanih a hung um phingleh a tlu nghâl el hlak.

RORELTUHAI 3:12

Chun, Israel thlahai chun Lalpa mithmuah thil suol an thaw nâwk ta a; chuongchun, Lalpa mithmuah thil an lo suksuol lei chun Lalpain Moab lal Eglon chu Israelhai chunga hrâtin a siem a.