HOSEA 5:5 - Pathien Lekhabu Inthieng (BSI)

⁵ Israel sawngtawlawi chun a hmai sanah ân hriettir a, Chuongchun, Ephraim le Israel chu an khawhlonaa chun tlûng an ta; Juda khawm anni lai tlu vêng a tih.

HOSEA 5:5 ပူးပေါင်းရင်းမြစ်များ

THUVARHAI 11:21

Mi rilo chu hrem naw ni naw ni, Mi fel thla ruok chu sanhim nîng a tih.

THUVARHAI 11:5

Mi fel famkim chu a felna chun a lampui kâwkhmûng a ta, Mi khawhlo ruok chu a khawhlonaa ngei chun tlu lem a tih.

THUVARHAI 14:32

Mi khawhlo chu a thilthaw rilova chun sukthlûkin a um a, Mi fel ruok chun a thinaa chun beiseina a nei hlak.

THUVARHAI 24:16

Mi fel chu vawi sari tlu sien khawm a tho nâwk hlak si a, Mi khawhlohai ruok chu lungzîngnaa pei thlûkin an um.

THUVARHAI 30:13

Thla pakhat an um a, aw an mithai chu a vân sâng ngei de! An mit vunhai chu a tungin ân hlîm a.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei naw a, an hriet thei bawk nawh.

ISAI 59:12

Kan bawsietnahai hi i hmaah a pung ta si a; kan suolnahai hin a mi hêk hlak a nih: kan bawsietnahai hi kan kuomah a um zing si a, kan khawhlonahai chu kan hriet a nih:

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

HOSEA 4:5

Sûna chun tlûng i ta, zâwlnei khawm chu i kuomah zânah tlûng a tih; I nu khawm sukbohmang ka tih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni si a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, Lalpa an Pathien tieng chu an ngha naw a, Ama chu an zawng bawk nawh,

HOSEA 8:14

Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.

AMOS 5:2

“Nunghâk, Israel chu a tlu ta a, ngîr nâwk ta naw nih: a ram chunga chun pei thlâk a ni tah a nih, ama chu inngîrtir dingin tukhawm an um nawh.”

MATTHAI 23:31

Chuongchun, zâwlneihai thattuhai nau in nih ti in inhriettir a nih.

LUKA 19:22

“Chun, ama chun a kuomah, ‘Suok suol, i ṭawngbau suok ngeiin kân thiem naw che. Mi vîntak ka na, ka sie naw khawm ka lâk a, ka tu naw khawm ka sîk hlak ti i hriet maw?