HOSEA 5:1 - Pathien Lekhabu Inthieng (BSI)

¹ Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni chunga ding a ni si a; Mizpaa chun châng in ni a, Tabor tlânga lên in zar leiin.

HOSEA 5:1 ပူးပေါင်းရင်းမြစ်များ

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatuhai chu ṭhahnemngaitakin ka lo inhriettir ta a.

JEREMIA 13:18

Lal kuoma le a nu kuoma chun hril la: “Inngaitlâwm unla, ṭhung ro, in lukâwmhai chu a hung inhnuoi ta a, in ropuina lallukhum ngei chu.

JEREMIA 46:18

Laltak a hming khawm sipaihai Lalpa chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

HOSEA 10:15

I rîtlona nasatak leiin, Chuong ang chun Bethel chun thâwng a ti che; Israel lal chu vârṭien laiin sukbohmangdêr nîng a tih.

HOSEA 13:8

Savawm a tê chân angin anni chu thâwng ka ta, An lung tuomtuhai chu keithlêr vawng ka ta, Chu hmuna chun sakeibaknei angin Anni fa zo ka tih; Ramsain a kei dar vawng ding angin.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

HOSEA 6:9

Suomhmang ruolin mi an inchân hlak angin, Thiempu pâwlhai chun Sekem lampuiah mi an that hlak; Anih, thil suol an thaw ta a nih.

HOSEA 9:8

Ephraim râl vêngtu chu ka Pathien kuoma um a na, Zâwlnei hlak chu a lampui intluonin chângkamtu châng kam a um a; A Pathien ina khawm intaina a um.

JOEL 1:2

Tarsiehai, hi hi hre unla, hi rama um po pohai, na lo sit ro.Hi in hun lai le in puhai hun laia khawm a um ta hlak am a nih?

AMOS 3:1

Aw, Israel nauhai, Aigupta rama inthawka ka ṭhuoi suok sûngkuohai, Lalpain hienga a sawisêlna cheu hi lo ngai ta u.

AMOS 7:9

chun, Isak bâwlhmunhai chu rausan hung nîng an ta, Israel hmun inthienghai chu suksiet nîng a tih, chun, Jeroboam sûnghai chu kâwlhnâmin do ka tih,” a ta.

MIKA 3:1

Aw nangni Jakobhai hotuhai le Israel sûngkuo rorêltuhai; ngai unla, ka ngên cheu hi, ka ti a nih; rorêl dân chu in hriet ding an nâwm a nih?

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MALAKI 2:1

“Tuhin, aw nangni thiempuhai, hi thutiem hi in ta ding a nih.

RORELTUHAI 4:12

Chun, Abinoam naupa Barak chu Tabor tlângah a hang fe ti Sisera chu an hril a.

RORELTUHAI 4:6

Naphtali ram Kedesa inthawkin Abinoam naupa Barak chu ân cha a, a kuomah, “Lalpa Israelhai Pathienin, ‘Naphtali thlahai le Jebulun thlahai mi sîng khat ṭhuoi la, Tabor tlângah hang fe rawh.

1 SAMUEL 7:16

Kum tinin Bethel le Gilgal le Mizpa hi a kan vêl hlak a, chuong hmunahai chun Israel mihai ro a rêl hlak a.

1 SAMUEL 7:5

Chun, Samuel chun, “Israel mihai po po chu Mizpaah ko khâwm vawng unla, Lalpa kuomah ṭawngṭaipêk ka ti cheu,” a ta.

1 SAMUEL 7:6

Chuongchun, Mizpaa chun an fe khâwm ta a; chun, tui an chawi a, Lalpa hmaa chun an bunthlâk a, chu ni chun bu an nghei a, chutaka chun, “Lalpa chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêlpêk a.