HOSEA 4:14 - Pathien Lekhabu Inthieng (BSI)

¹⁴ In naunuhmeihaiin nawchi an zawr a, In mohaiin uiret an chîng khawma hrem naw ning, Anni ngei khawm nawchizawrhai leh an fe pêt a, Nawchizawrhai leh an inthâwi hmunkhat si a; Chuong chun, hrietthiemna nei lo mipuihai chu tlusieng an tih..

HOSEA 4:14 ပူးပေါင်းရင်းမြစ်များ

1 LALHAI 15:12

Chun, pasal inzawrhai chu a rama inthawkin a hnawt suok a, a puhaiin milim an lo siemhai po po chu a sukbo vawng a.

2 LALHAI 23:7

Chun, Asera puon khâwngtuhai nuhmei umna Lalpa ina pasal inzawrhai umna in chu a ṭhiekpêk a.

THUVARHAI 28:5

Mi suol chun rorêlna chu a hrietthiem naw a, Lalpa zawngtuhai ruok chun thil po po an hrietthiem.

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

DANIEL 12:10

Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tukhawmin hrethiem naw ni hai; amiruokchu, a varhai chun hrethiem an tih.

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

HOSEA 4:17

Ephraim chun milim ân zawmpui ta a; A um umin um raw se.

HOSEA 5:4

An Pathien tienga nghakîr dingin, An thil thaw hlakhai chu an bânsan naw a; Nawchizawr lungril anni lai a um si a, Lalpa chu an hriet naw a nih.

AMOS 2:7

rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

NAMBAR 25:3

Israelhai chun Baal-peor an pawm ve ta a, chuongchun, Israelhai chunga chun Lalpa lung chu a chawk ta a.

JOHAN 8:43

Iengdinga ka ṭawng umzie in hriet naw am a na? Ka thu hril in ngai phâk naw lei a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:11

Tûkhawm a hre thiem hrim an um nawh, Tûkhawm Pathien zawng hrim an um nawh.

1 KORINTH 6:16

Anleh, nawchizawr zawmpui chu ama leh pumkhat an nih ti in hriet naw am a nih? “An pahni chun tisa pumkhat hung ni tâng an tih” ti ziek a ni si a.

EPHESI 4:18

hrietnawna anniah a um, chu hrietnawna lei chun Pathien hringnaa inthawka ṭhea hung umin, an hrietnaa chun an hung inthim a nih; an lungril a ngawng leiin,

DÂN PAHNINA 23:17

“Israel naunuhmeihai lai nawchizawr an um ding a ni naw a, Israel naupasalhai lai pasal inzawr an um ding a ni bawk nawh.

HEBRAIHAI 12:8

Nau po po ihlaw hlak thununna chu hlaw lova in um chun, nau tak ni lovin, sâwn in ni, a ni ding a nih.