HOSEA 4:12 - Pathien Lekhabu Inthieng (BSI)

¹² Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

HOSEA 4:12 ပူးပေါင်းရင်းမြစ်များ

2 LALHAI 17:7

Chuong anga an umna san chu Israel mipuihai chun Aigupta lal Pharao kuta inthawkin, Aigupta rama inthawka ṭhuoi suoktu Lalpa an Pathien chungah thil an suksuol a, pathien danghai an pawisa lem a,

2 CHANCHIN SUINA 21:13

Israel lalhai lampuihai chu i hraw lem a. Ahab sûngkuoin an lo thaw ta angin, Jerusalema umhai le Juda rama mihai chu i lo inuirettir ta a; chun, i pahnama mi i unauhai nanga nêka ṭha lemhai chu i that bawk a,

INPÂKNA HLABU 106:39

Chuongchun, an sinthawhaia sukkhawlovin an um ta a, An thilthawhaia chun an hung uire ta a.

INPÂKNA HLABU 73:27

Ngai ta, nangma hlata umhai chu an bohmang ding a ni si a, A uiret santu taphawt che chu i sukbohmang ta a.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an ti a, an hmai tieng ni lovin, an hnung an mîn nghat ta si a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 23:13

Samaria zâwlneihaia chun invêtna ka hmu a, anni chun Baal hmangin thu an hril a, ka mi Israelhai chu an insuksuoltir a.

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing si a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

HOSEA 5:4

An Pathien tienga nghakîr dingin, An thil thaw hlakhai chu an bânsan naw a; Nawchizawr lungril anni lai a um si a, Lalpa chu an hriet naw a nih.

HOSEA 6:10

Israel sûngkuoa chun thil râpthlâktak ka hmu a, Ephraima chun nawchizawrna a um a, Israel chu sukpawrchein a um a nih.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina si a.

LEVI DÂN 17:7

Lepchie taka umin, khawhrihai chu zuiin an kuomah an inthâwi ta hrim hrim ding a ni nawh,’ Hi hi an thlahai chena an kumkhaw dân ding a nih.

LEVI DÂN 20:5

ka hmai sukthim ka ta, Molek kuoma uire dinga a mi uiretsantuhai po leh an chipuihai laia inthawk sukbohmang ka tih.

MIKA 2:11

Mumal neilo le indik nawtaka, “Uoin le zu chungchang thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

HABAKKUK 2:19

Thing kuoma chun, “Har rawh,” ti a, Lung kuoma chun, “Tho rawh,” titu chu a chung a rik ie! Hi hin ân chûktir ding am a nih? En ta u, rângkachak le tangkaruo inluon khum a na, Amaa hin inthuokna hrim a um dêr nawh.

NAMBAR 15:39

chu rei chu in en hlak a, Lalpa thupêk po po in hriet zinga in zâwmna ding le nawchizawra in um hlak anga in lungril dit zâwng le in mit la zâwng hnawta in um nawna dingin le,

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.

RORELTUHAI 18:5

Chun, anni chun a kuomah, “Kan fena dinga hin kan tluongtlung ding le ding naw Pathien mi râwnpêk raw khai,” an ti a.