HOSEA 3:4 - Pathien Lekhabu Inthieng (BSI)

⁴ Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

HOSEA 3:4 ပူးပေါင်းရင်းမြစ်များ

INṬANNA 31:19

Laban chu a berâm hmul vaw dingin a fê dai a; chun, Rakil chun a pa milimhai chu ân rûkpêk a;

INṬANNA 31:34

Rakil chun milim chu a lâk a, sanghâwngsei thuomhnaw lai chun a lo sie a, a lo ṭhung de a. Laban chun a puon in sûng po po chu a dap vêl vawng a, nisienkhawm, a hmu naw a,

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

2 SAMUEL 6:14

Chun, David chu a theitâwpin Lalpa hmaah a lâm a, David chun puonzai inhmi thiempu zakawsîng a hâk a.

2 LALHAI 23:24

Chun, Lalpa ina thiempu Hilkiain a hmu lekhabua dân thu chuonghai kha a sukdet theina dingin khawhri aisânthiem zâwlhai, dawithiem dâm, pathien lim dâm, milim dâm, Judai ram le Jerusalema thil tirdakum an hmu hlakhai po po chu Josia chun a sukbo vawng bawk a.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

FESUOKNA 28:4

“Hieng hi silfên an siem dinghai chu a nih: âwmbel, zakawsîng, zakawfuol le zakawchung ṭhuimawi, lukâwm le kâwngkhi hi; chun, i unaupa Aron le a naupasalhai chu thiempu sina ka kuoma rawng an bâwl theina dingin silfên inthienghai siempêk an tih.

FESUOKNA 28:6

“Chun, rângkachak zai le sahmul dumpâwl le, a êm le seninlârin kutthiemtakin zakawsîng chu siem an tih.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet ta a; A lal le hotuhai chu dân um nawnaa hnamhai laia chun an um a; Anih, a zâwlneihai khawma Lalpaa inthawka thilhmulâwk an hmu ta nawh.

EZEKIEL 19:14

A kâu kuonghaia inthawk mei a suok a, a ra a kâng hmang zo a, Chuleiin, kâu ngartak rorêlnaa lalhmawla hmang thei khawm a um ta nawh. Hi hi sûnna chu a na, sûnna hla chu la hung nîng a tih.

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing si a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

EZEKIEL 21:31

I chunga chun ka lunginsenna chu hung bunthlâng ka ta, ka lunginsenna mei chu i chunga chun hung mût ka tih; chun, mi hrânghai, that dân thiemtakhai kuta chun pesuok ka ti che.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 12:11

Chun, pumrawhmang thilinhlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

HOSEA 13:10

I khawpui po poa sanhim theitu ding che, I lal chu tuhin khâwlai am a um a? Lal le hotuhai mi pe rawh, i itihai, I rorêltuhai chu khâwlai am an um a?

HOSEA 13:11

Ka lunginsenin lal ka pêk che a, Ka lunginsenin ka lâk hmang nâwk ta a nih.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

LEVI DÂN 8:7

Chuongchun, zakuo chung ân hâktir a, kâwng khitna chun a khit a, zakawfuol khawm chu ân hâktir a, zakawsîng ân hâktir bawk a, zakawsîng hrui thiemtaka khâwng chun a khitde a.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

JOHAN 19:15

Chun, anni chu an khêk a, “Sukbohmang rawh, sukbohmang rawh, krawsah hemde rawh,” an ta. Pilatin an kuomah, “In lal hi krawsah hemdêng ka ti maw?” a ta. Thiempu Lalhaiin, “Kaisar naw chu lal dang kan nei nawh,” an ta, an dawn a.

HEBRAIHAI 10:26

Thutak hrietna famkim chu ei chang hnunga thil ei suksuol ṭâl chun, suolhai dingin inthâwina um ta dêr naw ni a,

RORELTUHAI 17:5

Chun, Mika chun pathienhaiah a nei a, zakawsîng le milimhai a siem a, a naupa pakhat chu a thiempu dingin a suktum ta a.

RORELTUHAI 18:14

Chun, Lais ram enthlithlai dinga suokhai mi panga chun an dawn a, an unauhai kuomah, “Hieng inhaia hin zakawsîng dâm, milim siem fâwm dâm, milim sung fâwm dâm, a um ti in hriet am? Chuleiin, tuhin ieng am in thaw ding ngaituo ro,” an ti a.

RORELTUHAI 8:27

Chun, Gideonin chuonghai chun thiempu zakawsîng a siem a, a umna Ophra khuoa chun a sie a; chutaka chun chu chu bein Israelhai po po chu an lo uire zo ta a, Gideon le a sûnghai ta ding khawma châng a lo ni ta a.

1 SAMUEL 14:3

Chun, Silo khuoa thiempu Eli naupa Phinehas naupa Ikabod naupa Ahitub naupa Ahija chu thiempu zakawsîng hâkin a um ve a. Chun, Jonathan chu a fe ti mipuihai chun an hriet naw a.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.

1 SAMUEL 2:18

Samuel chu naupang ni sien khawm, puonzai inhmi zakawsîng hâkin Lalpa hmaah rawng a bâwl a.

1 SAMUEL 21:9

Chun, thiempu chun, “Philistin mi Goliath, Ela ruoma i thatpa kâwlhnâm chu ngai ta, thiempu zakawsîng hliea sawn puona tuomin a um zing el, chu chu i lâk nuom chun la rawh; chu chau naw chu a dang a um nawh,” a ta. David chun, “Chu bâk chu ie, mi pe raw khai,” a ta.

1 SAMUEL 22:18

Chun, lal chun Doeg kuoma chun, “Nang nghakîr la, thiempuhai kha thaw rawh,” a ta. Edom mi Doeg chu a nghakîr a, thiempuhai chu a thaw a, chu ni chun puonzai inhmi sil thiempu zakawsîng hâk, mi sâwmriet le panga a that a.

1 SAMUEL 23:6

Chun, Ahimelek naupa Abiathar Keila khuoa David kuoma a tlân lai khan thiempu zakawsîng chawia fe thla a na.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.

1 SAMUEL 30:7

Chun, David chun Ahimelek naupa thiempu Abiathar kuoma chun, “Thiempu zakawsîng mi va lapêk raw khai,” a ta. Abiathar chun David chu thiempu zakawsîng a va lâkpêk a.