HOSEA 2:8 - Pathien Lekhabu Inthieng (BSI)

⁸ Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si naw a;

HOSEA 2:8 ပူးပေါင်းရင်းမြစ်များ

1 CHANCHIN SUINA 29:16

Aw Lalpa kan Pathien, i hming inthieng ta dinga in bâwlna dinga hieng kan buotsaihai po po siekhâwm hi nangmaa inthawka hung a na, nangma ta ruok a nih.

JOB LEKHABU (THE BOOK OF JOB) 19:8

Ka suok thei nawna dingin ka lampui chu ân huon a, Ka lampuiahai chun inthimna chu a sie tah a nih.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

JEREMIA 7:18

Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

EZEKIEL 23:41

lal khum a hmaa dawkân buotsaia um chunga chun i ṭhung a, chu chunga chun ka riminhnikhai le ka hriek chu i sie kha.

DANIEL 3:1

Lal Nebukadnezzar chun rângkachak milim a siem a, ân sângzie chu tawng sâwmruk a na, a khangtieng chu tawng ruk a nih; Babulon biel sûnga Dura phaizâwla chun ân ngîrtir ta a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a maichâm a sukpung a, A ram ṭhatzie ang peiin lung inser phun ṭhatak tak a siem a,

HOSEA 13:1

Ephraimin thu a hril chun inthinna khawp a tling hiel hlak, Israel mihai laia chun ngai ropui a ni mieu si a. Baal kuoma a tlûk china hin chu a thi ta a nih.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu, ami hmangaituhai chu hnawt ka tih, a ti a nih.

HOSEA 4:11

Nawchizawr dâm, uoin dâm, uoin thar dâm chun Hrietthiemna a lâk hmang hlak.

HOSEA 8:4

Ka thaw ni lovin, annîn lal an siem a, Ka hriet lovin hotuhai an siem a; An bohmangna dingin an tangkaruo le an rângkachakin milim an siem a.

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a raw a, Anni zâra a chan chu a hung thâu a, A bu chu a hung tam leiin.

LUKA 15:13

Chun, ni sâwt nawtê hnunga chun a naupa naupang lem chun a chanâi po po chu a lâk khâwm vawng a, khaw ram hlatakah a fe ta a, chutaka chun inhawi taluoin a um a, a sum chu a sukthâm ta mei mei a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

DÂN PAHNINA 8:18

Tuta a nghet anga in pi le puhai kuoma inkhâmna thu a thlung chu a suknghetna dingin Lalpa in Pathien chu hre zing ro, sum le pai themsuok theina petu cheu chu ama chu a ni lem a nih.

RORELTUHAI 9:27

Chuongchun, lo tieng an fe a, an grêphai chu an lo a, an chîl a, ruoi an ṭhe a, an pathien inah an lût a, an fâkin an dâwn a, Abimelek chu an deusaw a.