HOSEA 2:7 - Pathien Lekhabu Inthieng (BSI)

⁷ Chun, a dit zâwnghai chu hnawt a ta, Hnawt phâk naw nih. Anni chu zawng a ta, hmu naw nih; Chuongchun, Ka pasal hmasa kuomah kîr nâwk ka tih. Tulai nêk hin kha hma kha ka ta dingin a ṭha lem si, tîng a tih.

HOSEA 2:7 ပူးပေါင်းရင်းမြစ်များ

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

INPÂKNA HLABU 116:7

Aw ka hringna, i châwlnaa chun kîr nâwk rawh, Lalpa chun i chungah ṭhatakin a thaw ta si a.

ISAI 30:16

“Ni lo, sakawr chunga chuongin tlân dur dur kan tih,” in ti lem si a; chuleiin, tlân dur dur ngei in tih; “Thil hrâttak chungah chuong kan tih” in ti a; chuleiin, a hnawttu dinghai cheu chu hrâttak nîng an tih.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 2:2

“Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam si a, Aw Juda.

JEREMIA 2:36

I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu Lalpa ka Pathien i ni si a,” tiin.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni lovin, an ta dingin pasal ka ni dea chu, chu ka thuthlung chu an bawsiet a, Lalpa chun a tih.

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

EZEKIEL 16:18

i puon cheimawihai chu i lâk a, anni chu în khum a; an hmaa chun ka sahriekhai le riminhnikhai chu în tung a;

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

EZEKIEL 23:12

Ama chun Assuria mihai, ram awptuhai, rorêltuhai, a tuolbâwmhai chu, ropuitaka incheihai, sakawr chung chuong mi sakawr chunga chuonghai, an rênga tlangvâl ditumtak takhai chu ân saipui a.

EZEKIEL 23:22

“Chuleiin, Oholiba, Lalpa Pathien chun hieng hin a tih; Ngai ta, i dit zâwnghai chu i chungah hung inṭuongtir ka ta; i lungrilin a hransanhai chu, sîr tina chun i chungah inhungtir ka tih;

EZEKIEL 23:4

An hminghai chu, a upa lem chu Ohola a na, a sangnu chu Oholiba a nih; ka ta an hung ni a, naupasalhai le naunuhmeihai an hung nei ta a. Chun, an hming thua chun Ohola chu Samaria a na, Oholiba chu Jerusalem chu a nih.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:25

chuongchun, mihriem laia inthawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlobet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni ta a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mihriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

HOSEA 1:2

Hosea hmanga Lalpa thu hril phutna chu. Lalpa chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin Lalpa chu a uiret hmangsan tah,” a ti a.

HOSEA 13:6

An fâk ding dawnga chun an tlai a, An tlai chu an lungrilin an chapo pha a, Chuongchun, an mi theinghil ta a nih.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 2:16

Chun, chu nia chun, Lalpa chun a tih, Ka pasal mi tîng i ta, Ka Baal mi ti ta naw ti nih;

HOSEA 5:13

Ephraim chun a natna a hmu a, Juda chun a hliem a hmu a, Chuongchun, Ephraim chu Assuria kuomah a fe a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih: