HOSEA 2:5 - Pathien Lekhabu Inthieng (BSI)

⁵ An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu, ami hmangaituhai chu hnawt ka tih, a ti a nih.

HOSEA 2:5 ပူးပေါင်းရင်းမြစ်များ

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 11:13

Aw Juda, i khawpui ni zât ang pei el chun i pathienhai chu an um si a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suolluina i tuok a nih.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

EZEKIEL 16:35

“Chuleiin, aw nang nawchizawr, Lalpa thu chu lo hre rawh:

EZEKIEL 16:39

Chun, anni kuta chun pe bawk ka ti che a, i hmun langsârhai chu peisieng an ta, i hmun insânghai chu sukchim an tih; i puon sil chu hlîppêk an ti che a, în cheina thil hluhai chu lâng an tih; chuongchun, saruok le ruokin mâksan an ti che.

EZEKIEL 16:4

I pieng dâna chun, i pieng ni chun i laihrui chu ât a ni naw a, nang chu sukfai ding chein tuia sâwp khawm i ni bawk naw a; chia saw hrim khawm i ni naw a, dawm khawm i ni bawk naw a.

HOSEA 1:2

Hosea hmanga Lalpa thu hril phutna chu. Lalpa chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin Lalpa chu a uiret hmangsan tah,” a ti a.

HOSEA 2:2

In nu hi ngên ro, ngên ro; Ama hi ka nuhmei a ni si naw a. Kei khawm a pasal ka ni nawh; A mit hmua inthawkin a nawchizawr chîng hi pei hmang sienla, A ṭânghai laia inthawkin a uiret chîng hi pei thla raw se.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si naw a;

HOSEA 3:1

Chun, Lalpa chun ka kuomah, “Fe nâwk ta la, nuhmei, mi dangin an idit lai, uirenu chu va hmangai rawh, Israel mipuihai chu pathien dang tieng nghain grêp bei thlum chu ngaina hai sien khawm Lalpain a hmangai zing ang bawk hin,” a ti a.

HOSEA 4:5

Sûna chun tlûng i ta, zâwlnei khawm chu i kuomah zânah tlûng a tih; I nu khawm sukbohmang ka tih.

HOSEA 8:9

Ram sabengtung khât tla angin Assuria ramah an hang fe si a; Ephraim chun a dit zâwnghai a tlawn ie!

HOSEA 9:10

Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

AMOS 8:13

Chu nia chun nunghâk ṭha le tlangvâlhai chu dangchârin thidang an ta,

RORELTUHAI 16:23

Chun, Philistin mihai mi lienhai chu an pathien Dagon kuoma inthâwina ropuitak inhlân ding le insukhlim dingin an pung khâwm tâwl a, “Ei pathienin ei hmêlmapa Samson a mi pêk tah annâwm,” an ti a.