HOSEA 2:3 - Pathien Lekhabu Inthieng (BSI)

³ Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

HOSEA 2:3 ပူးပေါင်းရင်းမြစ်များ

FESUOKNA 17:3

Mipui hlak chu tui duin an dang a châr hle a, Mosie chunga chun an chier a, “Aiguptaa inthawk keini le kan nauhai le kan ran ruol leh dangchâra mi sukhlum dingin iengdinga i mi ṭhuoi suok am a na?” an ti a.

ISAI 33:9

Ram chu a ṭapin a châu a; Lebanon chu ân zakin a vuoi a, Saron chu thlalêr ang a ni tah; Basan le Karmel chun an hnahai an thin thlâk a.

ISAI 47:3

I saruokna chu inkhum lovin um a ta, anih, i zamaw chu inlang a tih; phuba lâng ka ta, mi tukhawm inrempui naw ningah.

ISAI 64:10

I khawpui inthienghai chu thlalêrah a hung inchang a, Zion chu thlalêrah a hung inchang a, Jerusalem chu hmun râusanah a hung inchang ta hi.

JEREMIA 12:10

Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem ta a.

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suolluina i tuok a nih.

JEREMIA 13:26

Chuleiin, kei khawma i fênthuo chu i hmai chunga chun hlîm ka ta, i înzapui chu inlang a tih.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 17:6

Ama chu thlalêra hlobuk ang nîng a ta, thil ṭha hung tlung khawm chu a hmu âwm si naw a; amiruokchu, thlalêra chun hmun ṭâwl lai lai chu hluong a ta, hluo ngai lo, chilung ram chu.

JEREMIA 2:31

Aw nangni suon hai, Lalpa thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israelhai kuoma chun thlalêr amanih, ram inthim sâmup am ka lo nih a ni?

JEREMIA 2:6

Anni chun, ‘Aigupta rama inthawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tûkhawm an fethleng ngai nawna le, mi tukhawm chêng nawna rama mi ṭhuoitu Lalpa kha khaw lai am a um a? khawm an ti nawh.

JEREMIA 22:6

Juda lal in chungthua chun Lalpa chun hieng hin a ti si a: Ka ta ding chun Gilead i na, Lebanon lu leh; nisienlakhawm, matheilovin thlalêra le khawpui hluo lovah ka siem ding che a nih.

JEREMIA 4:26

Ka hei en a, ngai ta, ram rahlâwktakhai khawm chu thlalêr a lo ni ta a, chutaka khawpuihai po po chu Lalpa hmaihmaa le, a lunginsenna ṭiumtak hmaa chun a lo chim tâwl ta a.

JEREMIA 51:43

A khawpuihai chu râusan, ram ṭâwl, thlalêr ram, ram mi chêng nawna hmun, mihriem nau tukhawm sir ngai lo ram a lo ni ta a.

JEREMIA 51:5

Israelhai amanih, Judahai amanih, an Pathien, sipaihai Lalpa chu a nghatsan si naw a; an ram chu Israel Mi Inthieng dodâlin khawhlonain sip hle sien khawm.

EZEKIEL 16:22

I nawchizawrna le i tirdakumnahai poa hin i tleirâwl lai nihai, saruok le ruoka i um a, i thisena în sukpawrche lai kha i hriet zing ta naw a nih.

EZEKIEL 19:13

Tuhin chu thlalêrah, Ram ṭâwl le tuihulnaah phunsawn a ni tah.

HOSEA 13:15

A unauhai laia chun a tluongtlung tak ni sien khawm, Khaw sak thli hung inthawk a ta, Thlalêra inthawka Lalpa thuok ngei chu a hung mêk a nih; A tuihnârhai chu kang a ta, A tuikhurhai chu ṭâwl zo a tih; Bûr le bêl ṭhahai po po, a ro chu sukse vawng a tih.

HOSEA 2:10

Chuongchun, a dit zâwnghai mithmua chun, A saruok zâmaw chu suklang ka tih; Ka kuta inthawk chun tukhawma sansuok naw ni hai.

THUPUONGSUO 17:16

Chun, ki sâwm i hmu le sahrâng chun nawchizawr chu theidâng an ta, iengkhawm neinaw le saruokin siem an tih, a sa khawm fâng an ta, meiin rawhmang an tih.

RORELTUHAI 15:18

chun, a dang a hung châr ta êm êm el a, Lalpa chu a ko ta a, “Nangin i siehlaw kut hi hmangin ropuitakin i mi lo sansuok ta a, tuhin dangchârin ka thi elin, sertannawhai kuta hin ka tlulût el ding am a nih?” a ti a.