HOSEA 2:23 - Pathien Lekhabu Inthieng (BSI)

²³ Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

HOSEA 2:23 ပူးပေါင်းရင်းမြစ်များ

INPÂKNA HLABU 118:28

Nang chu ka Pathien i na, lâwmthu hril ka ti che a, Ka Pathien i na, chawimawi ka ti che.

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 68:31

Aiguptaa inthawkin mi lienhai hung suok an ta, Ethiopiahai chu an kut Pathien tienga phar dingin inhmâwng an tih.

INPÂKNA HLABU 72:16

Hnuoiah, tlâng chungahai hin bu tamtak um a ta, A vui chu Lebanon angin inhnîng suou suou a ta, Khuoa mihai chu hnuoi hlobet angin inno hlut hlut an tih.

HLAHAI HLA 2:16

Ka hmangaitak chu ka ta a na, kei khawm a ta ka nih; Ama chun a ran ruol chu lilihai lai chun ân tlattir hlak.

ISAI 44:5

Mi pakhatin Lalpa ta ka nih tîng a ta, mi dangin Jakob hming inbûk a ta; mi dangin a kutah, Lalpa ta tiha ziekin, Israel hming chu a chi hmingah hmang a tih,” tiin.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 30:22

Chuongchun, ka mihai nîng in ta, kei chu in Pathien nîng ka tih.

JEREMIA 31:27

Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

JEREMIA 32:38

anni chu ka mihai nîng an ta, kei khawm an Pathien nîng ka tih;

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

EZEKIEL 36:29

Chun, in inthiengnawna po poa inthawkin sandam ka ti cheu a, chun, bu ko ka ta, sukpung ka ta, in chungah ṭâm inumtir naw ningah.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

HOSEA 8:2

“Ka Pathien, keini Israelhai hin chu kan hriet che,” Tiin ka kuomah an khêk a.

ZEKARIA 10:9

Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

ZEKARIA 14:16

Chun, Jerusalem hung thawtu hnam po pohaia a la um sunhai chu kum tin tinin laltak, sipaihai Lalpa chu be ding le, Bâwkte ruoiṭhe chu nei dingin hang fe rawp hlak an tih.

ZEKARIA 14:9

Chun, Lalpa chu leihnuoi po po chunga laltak ni tâng a ta, chu nia chun Lalpa chu pakhat nîng a ta, a hming khawm pakhat chau nîng a tih.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:29

Pathien chu Judahai Pathien chau am a nih? Jentailhai Pathien khaw m a ni ve naw am a nih? Ni ve e.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.