HOSEA 2:20 - Pathien Lekhabu Inthieng (BSI)

²⁰ Ringumnain huol ka ti che a, chuongchun, Lalpa chu hrieng i tih,

HOSEA 2:20 ပူးပေါင်းရင်းမြစ်များ

INṬANNA 9:10

in kuoma thilhring tinrêng um, in umpui vate dâm, ran dâm, ramsa tinrêng kuoma dâm khawm; lawnga inthawka hung suok po po, hnuoia sa tinrêng kuoma chen khawm.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

JEREMIA 9:24

a suong taphawt chun hi hi suong lem raw se, kei hi Lalpa lunginsietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm si a, Lalpa chun a tih.

EZEKIEL 16:62

Chun, ka thuthlung chu nang leh sukdet ka tih, chun Lalpa ka nih ti mi hre tâng i tih.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

EZEKIEL 34:27

Loa thinghai chun ra hung insuong an ta, leihnuoi khawma a hlâwkna hung insuo bawk a tih; chun, an ram sûnga chun him an ta, an rîngkawl thîrtluonhai ka suktliek a, an rawng an bâwlpêkhai kuta inthawka ka sansuok pha chun Lalpa chu ka nih ti mi hre tâng an tih.

EZEKIEL 38:23

Chun, kei le kei inchawimawiin, insukthieng ka ta, hnam tamtakhai mithmua chun kei chu insukhmêlhriet ka ta; chun, Lalpa chu ka nih ti mi hre tâng an tih.

HOSEA 13:4

Kei ruok hi chu Aigupta rama inthawk ta a, Lalpa i Pathien chu ka na, Kei ti naw chu Pathien dang i hriet ngai naw a; Kei naw hi chu sandamtu dang an um nawh.

HOSEA 2:19

Kumkhawtluongin ka ta dingin huol tlat ka ti che a, felna dâm, rorêlna dâm, lunginsietna dâm, lainatna dâmin ka ta dingin huol ka ti che.

HOSEA 6:6

Inthâwina dit lovin lunginsietna ka dit si a; Pumrawhmang thilinhlân nêk chun Pathien hrietna ka dit lem a nih.

LEVI DÂN 26:5

In hrizâwla bu chun grêp lo hun man phâk a ta, in grêp lo hun chun thil chîng hun man phâk a ta; in bei chu tlaitakin chên in ta, in rama hin thlamuongtakin khawsâng in tih.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

MIKA 4:3

Ama chun chi tamtak kârah ro rêl a ta, hlataka hnam hrâttak khawm chu kâwk a tih; chun, an kâwlhnâmhai chu hnuoi inletna hmawr zumhaiah sut an ta, an feihai chu thei kûng ât bawngna chem inkuoihaiah sut an tih; hnam dangin hnam dang chungah kâwlhnâm inlet ta naw ni a, indo dân khawm inchûk ta naw bawk an tih.

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuipuia inthawka tuipui chen, Vadungpuia inthawka leihnuoi tâwp chen nîng a tih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 8:55

nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuongchun, ama ka hriet a, a thu khawm ka zâwm hlak.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

HEBRAIHAI 8:11

Chun, mi tinin, ‘Lalpa chu hre rawh,’ tiin Mâni tuolbâwm le, Mâni unau inchûktir ta naw ni hai a, A chîn taka inthawkin a lien tak chenin, An rêngin an mi hriet seng ta ding leiin.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.