HOSEA 2:17 - Pathien Lekhabu Inthieng (BSI)

¹⁷ A baua inthawkin Baal hminghai hi ka lâkhmangpêk ding a ni si a; an hming hi sâm ni ta hrim hrim naw nih.

HOSEA 2:17 ပူးပေါင်းရင်းမြစ်များ

INPÂKNA HLABU 16:4

Pathien dang thlangtuhai chu an lungngaina sukpungin la um a ta, An dâwn chi thisen inhlânhai chu inhlân ve nâwng ka ta, Ka hmûr khawma an hminghai lam bawk naw ning.

FESUOKNA 15:1

Chun, Mosie le Israel mihai chun Lalpa kuomah hi hla hi an sak a, “Ropuitaka a hne ta leiin Lalpa kuomah hla sak ka tih. Sakawr le a chunga chuong chu tuipuiah a pei lût a.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vânkhuphnuoia inthawk le leihnuoia inthawk chun bohmang an tih.

JEREMIA 2:2

“Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

JOSUA 23:7

hieng hnam nangni laia la umhai le hin inchekpawl lovin an pathienhai hming khawm lam hlek lova, an hming sâla ṭawng khawm inkhâm lova an rawng khawm bâwl lova, kûna chibai inbûk nawna dingin,

JOSUA 7:26

A chunga chun lung an intieng vûm thûr a, tu chen hin a la um a; chun, Lalpa lunginsenna nasatak chu a re ta a; chuongchun, chu hmun hminga chun tu chen hin Akor ruom an la ti zing a.