HOSEA 14:3 - Pathien Lekhabu Inthieng (BSI)

³ Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

HOSEA 14:3 ပူးပေါင်းရင်းမြစ်များ

2 CHANCHIN SUINA 16:7

Chu hun lai chun zâwlnei Hanani chu Juda ram lal Asa kuoma chun a hung a, a kuomah, “ Lalpa i Pathien chu ring lovin Suria lal chu i ring a, chuleiin, Suria lal sipaihai chu i kuta chun an suokthleng ding a nih.

INPÂKNA HLABU 10:14

Hmu chu i hmu zing ta a, i kuta thung dingin buoina le lungzîngna chu în chik ta a, Iengkhawm thaw thei lo mi chu i kuomah a tlulût hlak a; Pa bo ṭhangpuitu i ni hlak kha.

INPÂKNA HLABU 146:3

Mi lienhai chu ring naw unla, Mihriem naupa ṭhangpuina hrim hrim um nawna chu, ring bawk naw ro.

INPÂKNA HLABU 146:9

Lalpa chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

INPÂKNA HLABU 33:17

Sakawr hi insanhimna dingin iengkhawm a ni naw a, A hrât bêk bêk leiin tukhawm sanhim bawk naw nih.

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

ISAI 1:29

In thingsaisuo dittakhai chu inzâpui tâng an ta, in huon thlanghai lei chun inzaktakin in um ta ding a nih.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiempêkhai chu, buikelet kuoma le bâk kuoma chun pei an ta,

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 30:16

“Ni lo, sakawr chunga chuongin tlân dur dur kan tih,” in ti lem si a; chuleiin, tlân dur dur ngei in tih; “Thil hrâttak chungah chuong kan tih” in ti a; chuleiin, a hnawttu dinghai cheu chu hrâttak nîng an tih.

ISAI 30:2

Pharao hrâtnaa insukhrât ding le, Aigupta hlim ring dingin, ka bau indawn si lovin Aigupta rama fe thlâk tumin an fe a.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 31:3

Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

ISAI 36:8

Chuongchun, ka hni che hi, ka pu Assuria lal kuoma chun thu tiem rawh, chuongchun, keiin sakawr sâng hni pêng ka ti che, nangin a chunga chuongtu dinghai i ngaituo thei ding phawt chun.

JEREMIA 49:11

I nau, pa bohai kha mâksan la, keiin hringin hlâng ka tih; chun, i hmeithai khawm chun mi ring bawk raw se.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

EZEKIEL 37:23

Anni chu an milimhai chun insukpawrche ta ngai naw ni hai a, an thil pawrchehai hrim hrim khawm chun, an bawsietnahai chun insukpawrche ta bawk naw ni hai; an umna hmun po po, an hnungtawlna, an lo suol tâkna hmunhaia chun anni chu sandam ka ta, sukthieng bawk ka tih; chuongchun, ka mihai nîng an ta, kei khawm an Pathien nîng ka tih.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

HOSEA 2:17

A baua inthawkin Baal hminghai hi ka lâkhmangpêk ding a ni si a; an hming hi sâm ni ta hrim hrim naw nih.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

HOSEA 5:13

Ephraim chun a natna a hmu a, Juda chun a hliem a hmu a, Chuongchun, Ephraim chu Assuria kuomah a fe a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

HOSEA 8:6

Israela inthawk chun hi hi a ni si a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

HOSEA 8:9

Ram sabengtung khât tla angin Assuria ramah an hang fe si a; Ephraim chun a dit zâwnghai a tlawn ie!

JONA 2:10

Chun, Lalpa chun nga chu a biek a, Jona chu khawmuolah a luok suok ta a.

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

JOHAN 14:18

Fahrain mâksan naw ning cheu; in kuomah hung nâwk ka tih.

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthuruol ding a ni bawk nawh. Lalpa chun, ‘Tuta chen chu, chu tienga chun in kîr nâwk ding a ni ta nawh,’ a ti tlat si a.