HOSEA 13:9 - Pathien Lekhabu Inthieng (BSI)

⁹ Aw Israel, nangma ṭhangpuitu i mi do hi, I sietna a nih ie.

HOSEA 13:9 ပူးပေါင်းရင်းမြစ်များ

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; Lalpa Pathiena beiseina neitu chu.

INPÂKNA HLABU 33:20

Ei hringna hin Lalpa a nghâk zing a, Ama chu mi ṭhangpuitu le ei phaw a nih.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

THUVARHAI 6:32

Nuhmei le uiretna thil thawtu chu lungril bo a na, Ama lungril ngei sukse dingin thil a thaw a nih.

THUVARHAI 8:36

Amiruokchu, ka chunga suksuol chun ama lungril ngei a sukkhawhlo a, Kei a mi theidatuhai po po chun thina an hmangai a nih.”

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha si a; i lung chen a tlung ta si a.

JEREMIA 5:25

In suolnahai chun hieng thilhai hi a hnawt hmang a, in suolnahai chun nangnia inthawk chun ṭhatnahai chu a chelkîrpêk cheu a ni hi.

HOSEA 13:4

Kei ruok hi chu Aigupta rama inthawk ta a, Lalpa i Pathien chu ka na, Kei ti naw chu Pathien dang i hriet ngai naw a; Kei naw hi chu sandamtu dang an um nawh.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 7:14

An lungril takin an mi ko naw a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel si a.

HOSEA 7:15

Kei chun an bânhai chu inchûktirin ka sukhrât a, Nisienlakhawm, ka chungah thil ṭha naw an suongtuo a nih.

MALAKI 1:12

Amiruokchu, in bawsiet a, chutaka chun, ‘Lalpa dawkân chu sukpawrche a ni ta a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwtkhum a, sipaihai Lalpa chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai Lalpa chun a tih.

MALAKI 1:9

Nisienlakhawm, tuhin, ei chungah zâ a ngai theina dingin Lalpa ditsakna chu ngên ro; hi hi in kut thilthaw ngei chu a na, ditsak takin a lo pawm ding cheu am a nih? sipaihai Lalpa chun a tih.

DÂN PAHNINA 33:26

“Aw Jeshurun,i Pathien ang tukhawm an um dêr nawh, A ṭhangpui ding chea vânhaia inthawka hung a, A ropuinaa vân boruokhaia inthawka hung chu.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.