HOSEA 13:7 - Pathien Lekhabu Inthieng (BSI)

⁷ Chuleiin, an ta dingin sakeibaknei ang nîng ka ta, Keitê angin lampuiah anni inchân ka tih.

HOSEA 13:7 ပူးပေါင်းရင်းမြစ်များ

JOB LEKHABU (THE BOOK OF JOB) 10:16

Ka lu hi ama le ama ân chawimawi chun, sakeibaknei angin i mi pêl a, Ka chunga chun nang chu maktakin i hung inentir a.

ISAI 42:13

Lalpa chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

JEREMIA 25:38

Sakeibaknei angin a chîmbuk a mâksan a, a lunginsen ṭiumna lei le, nêksâwrna kâwlhnâm ṭiumna lei chun an ram chu a se zo ta si a.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

ṬAP HLA 3:10

Keia ta ding chun ama chu savawm mi lo inchân zingtu, hmun fienriela sakeibaknei ang chu a nih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni si a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

AMOS 1:2

Chun, ama chun, “Lalpa chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

AMOS 3:4

Sakeibakneiin sa a man naw lai ramhnuoiah ân rûm hlak am a nih? Sakeibaknei vânglaiin iengkhawm a man naw chun a pûka inthawk chun ân rûm hlak am a nih?

AMOS 3:8

Sakeibaknei ân rûm a, tuin am ṭi nâwng a ta? Lalpa Pathien chun thu a hril a, tuin am hril naw thei an ta?” tiin.

THUPUONGSUO 13:2

Chun, ka Sahrâng hmu chu keitê ang a na, a kehai chu savawm ke ang a nih; a bau chu sakeibaknei bau ang a nih; chun, dragon chun a kuomah a thilthawtheina le a lalṭhungpha le thuneina nasatak a pêk a.