HOSEA 13:2 - Pathien Lekhabu Inthieng (BSI)

² Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

HOSEA 13:2 ပူးပေါင်းရင်းမြစ်များ

1 LALHAI 19:18

Nisienlakhawm, Israel rama hin Baal hmaa la dingṭhaṭhuon ngailo le, la fâwp ngailo mi sâng sari ka ta dingin ka hum ding a nih,” a ta.

2 CHANCHIN SUINA 28:13

an kuoma chun, “Hitaka hin salhai chu in hung ṭhuoi ding a ni nawh: ei bawsietna le ei suolnahai belsa dingin, Lalpa chungah bawsietna mîn tluntir in tum a ni hi; ei bawsietnahai chu a nasa êm êm a, Israel chunga hin lunginsenna ṭiumtak chu a um a nih,” an lo ti a.

2 CHANCHIN SUINA 33:23

A pa Manasse ân sukhnuoi ta ang khan ama hi chu Lalpa hmaa chun ân sukhnuoi ve naw a; chuongchun, hi Amon hi chu a suol nasa deu deu ta a.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni si a. Amaa an ringna innghattuhai po po chu an hamṭha.

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

ISAI 44:11

Ngai ta, a pâwlpuihai po po chu muolpho an tih; sinthaw mihai khawm mihriem laia mi an nih; an rêngin inkhâwm vawng hai sienla, ngîr raw se; ṭîng an ta, muolpho tâwl an tih.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 46:6

Mansaa inthawka rângkachak bun suok hlak a, tangka bûknaa bûk hlakhai chun rângkachak suttu an ruoi a, ama chun pathienah a siem hlak a; chuongchun, an bawkkhup a, anih, chibai an bûk hlak.

ISAI 46:8

Aw bawsetuhai, chu chu hre zing unla, insukpasal unla, hre suok nâwk ro.

JEREMIA 10:4

Chu chu tangkaruo le rângkachakin an chei a; thîrkilnahaiin an sukdet a, tubauhai leh, chuongchun, ân hnîng thei naw a;

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom naw a.

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a maichâm a sukpung a, A ram ṭhatzie ang peiin lung inser phun ṭhatak tak a siem a,

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi zing a. Mi lim siem fâwmhai kuomah riminhnik an raw lem a nih.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si naw a;

HOSEA 4:17

Ephraim chun milim ân zawmpui ta a; A um umin um raw se.

HOSEA 8:4

Ka thaw ni lovin, annîn lal an siem a, Ka hriet lovin hotuhai an siem a; An bohmangna dingin an tangkaruo le an rângkachakin milim an siem a.

HOSEA 8:5

Aw Samaria, i sebâwngte lim chu a hnâwl ie; An chungah ka lunginsen êm êm a nih. Nun tluongtlama an um thei hma chu ieng chen tak am a ni ding chu.

HOSEA 8:6

Israela inthawk chun hi hi a ni si a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

NAMBAR 32:14

Chun, ngai ta u, Israelhai chunga Lalpa lungsenna ṭiumtak chu belsain nangni suon suolhai hin in puhai ai in aw ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:4

Nisienlakhawm, Pathienin iengtin am a dawn a? “Baal hmaa la dingṭhaṭhuon ngai naw, mi sâng sari keia tâ dingin ka la hla zing a nih,” tiin a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.