HOSEA 13:10 - Pathien Lekhabu Inthieng (BSI)

¹⁰ I khawpui po poa sanhim theitu ding che, I lal chu tuhin khâwlai am a um a? Lal le hotuhai mi pe rawh, i itihai, I rorêltuhai chu khâwlai am an um a?

HOSEA 13:10 ပူးပေါင်းရင်းမြစ်များ

1 LALHAI 12:20

Chun, Israelhai po po chun Jeroboam chu a hung kîr nâwk ti an hrietin, pungkhâwmnaa hung dingin an inkotir a, Israelhai po po chunga lalah an siem ta a; Juda hnam ti chau naw chu David sûnghai zui tukhawm an um nawh.

2 LALHAI 17:4

Chun, Assuria lal chun Hosea in a phier rûk thu a lo hriet a, Aigupta lal So kuomah mi a tir bawk a, kum tina a pêk hlak ang khan Assuria lal chu sie chu a pêk ta bawk si naw a; chuleiin, Assuria lal chun intângna inah khuop pumin a khum ta a.

INPÂKNA HLABU 10:16

Lalpa chu kumkhawtluonga dingin laltak a na, Hnam tin chu ama rama inthawkin bohmang an tih.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 44:4

Aw Pathien, nang chu ka Lal i nih, Jakob sanhimna dingin thu pe rawh.

INPÂKNA HLABU 74:12

Nisienlakhawm, Pathien chu inhma chena ka Lal a nih, Hnuoi laitaka sandamna siemhlaktu chu.

INPÂKNA HLABU 89:18

Kan phaw hi Lalpa ta a ni si a, Kan lal hi Israelhai Mi Inthieng ta a nih.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 43:15

Kei hi Lalpa, in Mi Inthieng, Israelhai Siemtu, in Lal chu ka nih,” tiin.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam si a, Aw Juda.

JEREMIA 8:19

Ka chipuihai naunu ram hlataka inthawka a khêkri chu lo ngai ta u, “Lalpa chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

ṬAP HLA 4:20

Ei hnârkuo thuok, Lalpa hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei ti a.

HOSEA 10:3

“Lal tak tak chu ei nei nawh, Lalpa chu ei ṭi si naw a; Chu lal chun ieng am mi thawpêk thei a ta?” tiin, tuhin chu hril ta ngei an tih.

HOSEA 13:4

Kei ruok hi chu Aigupta rama inthawk ta a, Lalpa i Pathien chu ka na, Kei ti naw chu Pathien dang i hriet ngai naw a; Kei naw hi chu sandamtu dang an um nawh.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

HOSEA 7:7

Thuk ang elin an sa vawng a, an rorêltuhai an sukbohmang a; An laltak taphawthai chu an tlu a, Anni lai tukhawm a mi ko an um nawh.

HOSEA 8:4

Ka thaw ni lovin, annîn lal an siem a, Ka hriet lovin hotuhai an siem a; An bohmangna dingin an tangkaruo le an rângkachakin milim an siem a.

ZEKARIA 14:9

Chun, Lalpa chu leihnuoi po po chunga laltak ni tâng a ta, chu nia chun Lalpa chu pakhat nîng a ta, a hming khawm pakhat chau nîng a tih.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

1 SAMUEL 8:7

Lalpa chun Samuel kuoma chun, “Mipuihaiin i kuoma an hril po po chu ngai rawh, nang dit naw che an ni naw a; an chunga lal dinga kei mi dit lo an ni lem.