HOSEA 12:6 - Pathien Lekhabu Inthieng (BSI)

⁶ Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

HOSEA 12:6 ပူးပေါင်းရင်းမြစ်များ

INṬANNA 49:18

Aw Lalpa i sandamna chu ka nghâk zing.

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma Lalpa kan Pathien kuom tieng a en zing a nih, Keini a mi lunginsiet hmakhat chun.

INPÂKNA HLABU 27:14

Lalpa chu nghâk zing rawh, Hrâttakin um la, i lungril chu insukhuoi raw se; Anih, Lalpa chu nghâk zing rawh.

INPÂKNA HLABU 37:7

Lalpaa chun châwl la, ama chu nghâk fan fan rawh; Ama lampuia vângneina dawngtu lei chun insuklungngai nuom naw rawh, Ngaituo suolhai puitlintu lei chun.

FESUOKNA 3:15

Chu naw khawm chu Pathienin Mosie kuomah “Israel mihai kuoma chun, ‘In thlatuhai Pathien, Abraham Pathien, Isak Pathien le Jakob Pathien Jehova chun in kuomah a mi hung tir a nih,’ tîng i tih: hi hi kumkhuoa ka hming a nih, hi hi ṭhang po po mi hriet dân ding chu a nih.

THUVARHAI 1:23

Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

THUVARHAI 21:3

Rorêlna le thil fel thaw hi, Inthâwina nêkin Lalpa ta dingin pawmtlâk a ni lem dai.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 31:6

“Aw Israel thlahai, nasataka in helsan tieng chu ngha nâwk ta ro.

ISAI 40:31

Lalpa nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl lovin tlân an ta; châu lovin kein fêng an tih.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sûtpêk le, rîngkawl hruihai sûtpêk le, nêksâwra umhai insuoktir le, rîngkawl tinrêng suktliekpêk hi.

ISAI 8:17

Kei chun Jakob sûnghai laia a hmai thuptu Lalpa chu nghâk ka ta, ama chu thlîr zing ka tih.

JEREMIA 22:15

Sidara în huon khum leiin lalah în ngai am a nih? I pa chun a fâkin a dâwn a, indikna le rorêlna chu a thaw a ni nâwm a nih? Chuongchun, ama ta ding chun a hung ṭha a.

EZEKIEL 18:30

Chuleiin, Israel sûngkuo, mi tin chu a thilthawhai ang peiin rêlpêk ka tih, Lalpa Pathien chun a tih. Hung kîr unla, in bawsietnahai po poa inthawkin hung kîr ro; chuongchun, suolna chu in tlûkna lung hung ni naw nih.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

JOEL 2:12

Lalpa chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

JOEL 2:13

in puon ni lovin, in lungril thlêr ro,” a tih. Lalpa in Pathien tieng chu ngha ro: ama chu lunginsiet theitak le lainatnaa sip, lunginuoi le zainêmnaa sip, hremnaa inthawka inlêt hlak a nih.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming Lalpa, sipaihai Pathien chu a ni si a.

AMOS 5:24

Nisienlakhawm, rorêlnahai chu tuihai angin le felna chu vadungpui angin luong raw se.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

ZEPHANIA 3:8

Lalpa chun, “Chuleichun, kei mi nghâk unla, râllâk la dinga ka ngirsuok ni chen chu. Ka lungawinawna ṭium tak le ka lunginsenna nasatak chu bun khum dinga, ramhai ka kei khâwmnaah chun hnamhai ṭhuoi khâwm chu ka thiltum a ni si a; leihnuoi hluo po po chu ka îtthîkna mei chun a kânghmang ding a ni si a.

ZEKARIA 1:3

Chuleiin, nangin an kuomah, Lalpa chun, hieng hin a tih tiin hril rawh: Sipaihai Lalpa chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai Lalpa chun a tih.

ZEKARIA 7:9

Rorêlna ṭha chu suksuok unla, mi tinin mâni unau chungah zângaina le lunginsietna inlangtir raw se;

ZEKARIA 8:16

Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.