HOSEA 11:11 - Pathien Lekhabu Inthieng (BSI)

¹¹ Aiguptaa inthawk chun chawngzawng angin, Assuriaa inthawk chun vaṭhu angin thla zâp sieu sieuin hung an tih; Chun, an in lum inhluotir ka ta, ti hi Lalpa thu suok a nih.

HOSEA 11:11 ပူးပေါင်းရင်းမြစ်များ

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 60:8

Sûm anga vuong le vaṭhu anni tukver pana vuong mer mur anga vuonghai saw tuhai am an na?

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

EZEKIEL 34:27

Loa thinghai chun ra hung insuong an ta, leihnuoi khawma a hlâwkna hung insuo bawk a tih; chun, an ram sûnga chun him an ta, an rîngkawl thîrtluonhai ka suktliek a, an rawng an bâwlpêkhai kuta inthawka ka sansuok pha chun Lalpa chu ka nih ti mi hre tâng an tih.

EZEKIEL 34:28

Chun, khawhri be mihai ifâk zoin um ta ngai naw ni hai a, hnuoia ramsahai khawma anni chu fa zo bawk naw ni hai; amiruokchu, himtakin chêng an ta, tukhawma anni chu sukṭi ta naw ni hai.

EZEKIEL 37:21

Chun, an kuoma chun, ‘Lalpa Pathien chun hieng hin a tih: Ngai ta u, hnamhai an lo fe hmang ta nahai laia inthawkin Israel thlahai chu lâng ka ta, kil tina inthawkin ṭhuoi khâwm ka ta, anni ram ngeia chun hung ṭhuoi ka ta;

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

ZEKARIA 10:10

Aigupta rama inthawk khawmin anni chu hung ṭhuoi suok nâwk ka ta. Assuria rama inthawkin la khâwm nâwk ka tih; Gilead le Lebanon rama chun ṭhuoi lût ka ta; an ta dinga hmun indai naw hielin.

ZEKARIA 8:7

Sipaihai Lalpa chun hieng hin a tih, “Ngai ta, ka mihai chu saktieng ram le thlangtieng rama inthawkin sandam ka ta;

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.