HOSEA 11:10 - Pathien Lekhabu Inthieng (BSI)

¹⁰ Lalpa chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

HOSEA 11:10 ပူးပေါင်းရင်းမြစ်များ

JOB LEKHABU (THE BOOK OF JOB) 37:1

“Hitaka khawm hin ka lungril chu ân thin a, A umna hmuna inthawk chun ân châwm a.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 2:11

Ṭi pumin Lalpa rawng bâwl unla, Inthin pumin lâwm ro;

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 2:5

Aw Jakob sûnghai, hung unla, Lalpa vara hin lêng ei tiu khai.

ISAI 31:4

Lalpa chun hieng ang hin ka kuomah a hril si a, “Sakeibaknei le sakeibaknei vânglaiin sa a hau lai chun berâm vêngtu tamtak a thaw dinga ko suokin um hai sienla khawm, an râwl chu ṭi naw ni a, an risiet leiin ân tîm chuong naw ding ang hin, sipaihai Lalpa chu Zion tlânga le a muol pâwnga thaw dingin a hung ṭum ding a nih.

ISAI 42:13

Lalpa chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 64:2

meiin thing nawi a suk chawk a, tui dâm a sukso ang hin, hnam tin i hmaah an inthin a, nangma dotuhai che kuoma chun i hming chu inhriettir a ni theina dingin.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ISAI 66:5

A thua inthin hlakhai, Lalpa thu hi hre ro, “In unau, nangni theidatu le ka hming leia nangni hnawt suoktuhai cheu chun, ‘In lâwmna kan hmu theina dingin Lalpa chu sukropuiin um raw se,’ an ti a, nisienlakhawm, inzak lem tâng an tih.

JEREMIA 2:2

“Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 25:30

Chuleiin, hieng thuhai po po hi anni kalin hril la, an kuoma chun, “Lalpa chu chungtienga inthawkin hung inrûm a ta, a chêngna inthienga inthawk chun a râwl chu hung insuong a tih; a hlo petna hmuna chun thilthawtheitakin inrûm a ta; grêp sir sâwrtuhai ang chun ama chu hnuoi chung hluotuhai po po chunga chun khêk a tih.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

JEREMIA 50:4

Chuong niahai chun, chuong hunahai chun, Lalpa chun a tih: Israel thlahai chu hung an ta, anni le Juda mihai chu a ruolin hung an ta; an ṭap malamin hung an ta, Lalpa an Pathien chu zawng an tih.

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

EZEKIEL 26:16

Tuipuia lalhai po po chu an lalṭhungphahaia inthawk chun ṭhung thlâng an ta, an lal puonhai chu sieng an ta, an silfên cheimawihai chu hlîp an ta, anni chu inthinnain inthuom tâng an tih; leihnuoi chungah ṭhung an ta, ieng lai khawmin inthin an ta, nangma chu mak tîng an ti che.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

JOEL 3:16

“Chun, Lalpa chu Zion tlânga inthawkin inrûm dur dur a ta, Jerusalema inthawkin a râwl insuong a ta; vân le hnuoi inhnîng an ta; nisienlakhawm, Lalpa chu a mihai ta dingin inhumhimna nîng a tih, Israel mipuihai ta dingin kulbîng nîng a tih.

AMOS 1:2

Chun, ama chun, “Lalpa chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

AMOS 3:4

Sakeibakneiin sa a man naw lai ramhnuoiah ân rûm hlak am a nih? Sakeibaknei vânglaiin iengkhawm a man naw chun a pûka inthawk chun ân rûm hlak am a nih?

AMOS 3:8

Sakeibaknei ân rûm a, tuin am ṭi nâwng a ta? Lalpa Pathien chun thu a hril a, tuin am hril naw thei an ta?” tiin.

MIKA 4:5

Chi tin mâni pathien hming sengin um an ta, eini khawm Lalpa ei Pathien hmingin kumkhuoin um ei tih.

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

ZEKARIA 10:10

Aigupta rama inthawk khawmin anni chu hung ṭhuoi suok nâwk ka ta. Assuria rama inthawkin la khâwm nâwk ka tih; Gilead le Lebanon rama chun ṭhuoi lût ka ta; an ta dinga hmun indai naw hielin.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

ZEKARIA 8:7

Sipaihai Lalpa chun hieng hin a tih, “Ngai ta, ka mihai chu saktieng ram le thlangtieng rama inthawkin sandam ka ta;

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

THILTHAWHAI 24:25

Paula chun, felna thu dâm, insûm thu dâm, ro a la rêl ding thu dâm ṭhahnemngaitaka a hril laiin Felik chun ṭium a ti bêk a, “Fe nâwk phawt ta rawh, hun remchâng ka nei pha ko ka ti che,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:1

Chuongchun, tuhin chu Krista Isua umhai ta ding chun thiemnaw inchangtirna hrim a um ta nawh.

2 PETER 2:10

châkna inthieng naw kawnga tisa anga um le, rorêlpêkna hmusittuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.

THUPUONGSUO 10:3

sakeibaknei inhûk angin rawl inringtakin a khêk ta a. A khêk zo chun vâninrûm pasarihai chun an rawl an insuo ta a.