HOSEA 10:8 - Pathien Lekhabu Inthieng (BSI)

⁸ Israel suolna Aven hmun insânghai khawm chu suksiet nîng a tih, An maichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

HOSEA 10:8 ပူးပေါင်းရင်းမြစ်များ

INṬANNA 3:8

Chun, Lalpa Pathien chu zântieng nisa deia huona a hung lêng chu an hriet a: chuongchun, Adam le a nuhmei chun huona thing lai chun Lalpa Pathien chu an lo inbîksan ta a.

1 LALHAI 13:2

Chun, Lalpa thuin maichâm chu a hrângkhum a, “Aw maichâm, maichâm, Lalpa CHUN HIENG ANG HIN A TIH, ‘Ngai ta, David sûnghai laiah naupa a hming Josia la hung pieng a ta, i chunga riminhnik raw hlaktu, bâwlhmun thiempuhai hi i chunga hin inthâwina dingin la hung inhlân a tih, i chunga hin mihriem ruhai la hung râwng an tih,’ tiin,” a ta.

1 LALHAI 13:34

Chun, thil chu Jeroboam sûng- kuo suolna, anni ngei sukchimittu le khawvêla inthawka sukbohmang hlautu a hung ni ta a.

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

2 LALHAI 23:15

Chu naw khawm chu Israelhai thil insuksuoltirtu Nebat naupa Jeroboamin Bethela maichâm le bâwlhmun a siem chu, chu maichâm le bâwlhmun chen khawm chun a sukchim bawk a; chuongchun, bâwlhmun chu a raw a, a sir nâwi dap a, Asera chu a raw ta a.

2 CHANCHIN SUINA 31:1

Chun, hieng thil po po hi zo a ni hnung chun, Israel chutaka umhai po po chu Juda khawpuiahai chun an fe a, lungphunhai chu an suknâwi a, Asera chu an phûrthlûk a; Benjamin le Juda ram po poa bâwlhmunhai le maichâmhai chu an vuok chim vawng a; Ephraim le Manasse rama khawm, a rênga an suksiet vawng hmakhat chun an thaw pei a. Chu, Israel mipuihai chu, mi tin mâni hmun nei sengah, mâni khawpui sengah an kîr ta a.

ISAI 2:19

Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 32:13

Ka mihai rama hin hlohlingneihai le buorhai chu tlâng a tih; anih, khawpui hlimumtaka hlimna in po pohai chunga chun,

ISAI 34:13

An lal inahai chun hlohlingneihai ṭo a ta, an kulpui sûngahai chun zakthlai le buorhai ṭo a ta, sihalhai umna ding le vate rîngseihai ta dingin in inhuon sûng tuollai nîng a tih.

HOSEA 10:2

A lungril chu sukṭhein a um a, Tuhin chu thiemnaw changin um tâng an tih. An maichâmhai chu amân vaw chim a ta, An lung inser phunhai chu suksieng a tih.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 10:9

Aw Israel, Gibea nihaia inthawk ta khan i suol ta a; Chutaka chun an la ngîr zing a; Rîtlona nauhai dona chun Gibea ngeiah chun a hnawtphâk tâwl naw ding maw?

HOSEA 2:6

Chuleiin, ngai ta, i lampui chu hlingin hruk ka ta, Ama dang dingin dai sak ka ta, A lampuihai chu hmu naw nih.

HOSEA 4:13

Tlâng sîphaia chun an inthâwi a, Muolhaia chun riminhnik an raw a; Thingsaisuo le beraw le tarpin thing hnuoia chun, A hlim chu ân hawi leiin. Chuleiin, in naunuhmeihai chun nawchizawr an chîng a, In mohai chun uiret an chîng a nih.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

HOSEA 8:5

Aw Samaria, i sebâwngte lim chu a hnâwl ie; An chungah ka lunginsen êm êm a nih. Nun tluongtlama an um thei hma chu ieng chen tak am a ni ding chu.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

AMOS 1:5

Damaska khaw kawtkhâr thîr chu suktliek ka ta, Aven ruoma inthawka a hluotuhai le Eden ina inthawka lal hmawl chawituhai chu sukbo ka ta; chun, Suria mihai chu Kir ramah salah um an tih,” Lalpain a tih.

AMOS 3:14

“Israel bawsietnahai chu ama chunga ka hrem chun, chu nia chun Bethel khuoa maichâmhai kihai chu tanbawng an ta, hnuoiah tlâng an tih.

AMOS 7:9

chun, Isak bâwlhmunhai chu rausan hung nîng an ta, Israel hmun inthienghai chu suksiet nîng a tih, chun, Jeroboam sûnghai chu kâwlhnâmin do ka tih,” a ta.

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

MIKA 1:13

Aw Lakis mi, tawlailîr chu sakawr hrâta chun bel rawh; ama hi Zion naunu suolna bul a nih, Israelhai bawsietnahai chu nangmaa hin a um a lo ni si a.

MIKA 1:5

Hieng po po hi Jakob bawsietna le Israel sûngkuo suolnahai lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

NAHUM 3:11

Nang khawm inrui bawk i ta, thuphmangin um i tih; hmêlma leiin kul det zawng bawk i tih.

LUKA 23:30

Chu pha chun mihaiin tlâng kâwla dâm, ‘Mi del rawh,’ la tîng an ta; muol kâwla dâm, ‘Mîn khum rawh,’ la tîng an tih.

DÂN PAHNINA 9:21

In suolna leia in siem bâwngte lim chu ka lâk a, ka raw a, ka suknâwi a, pilvut angin ka râwtnawi dar a; a phit chu tlânga inthawka vadung hung luonga chun ka phul a.

THUPUONGSUO 6:16

Tlânghai le lungpuihai kuoma chun, “Mi del unla, lalṭhungphaa ṭhung hmêla inthawk le, Berâmte lunginsennaa inthawk hin mi hlie ro;

THUPUONGSUO 9:6

Chuong nia chun mihaiin thina zawng an ta, hmu dêr si naw ni hai; thi inhâwk an ta, nisienlakhawm, thina chun tlân san a tih.