HOSEA 10:2 - Pathien Lekhabu Inthieng (BSI)

² A lungril chu sukṭhein a um a, Tuhin chu thiemnaw changin um tâng an tih. An maichâmhai chu amân vaw chim a ta, An lung inser phunhai chu suksieng a tih.

HOSEA 10:2 ပူးပေါင်းရင်းမြစ်များ

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? Lalpa chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

THUVARHAI 11:18

Mi khawhlo chun hlaw hmusitumtakhai chu a hlaw a, Felna tutu ruok chun lâwmman indiktak chu a hmu.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

JEREMIA 43:13

Chun, Beth-semes sûtpuihai Aigupta rama um khawm chu sukthliek bawk a ta, Aigupta ram pathienhai inhai khawm chu meia raw ni bawk an tih,’ a tih, ti rawh,” tiin.

EZEKIEL 14:5

an milimhai leia keimaa inthawka an invâkhmang vawng tâk leiin, Israel sûngkuo chu an lungrilhai ka lâk theina dingin’ tiin.

HOSEA 12:11

Gilead chu rîtlona a ni naw am a nih? Teplo el an ni annâwm; Gilgala chun bâwngchal an inhlân hlak a. Anih, an maichâmhai chu leilet changkuonga Lung dêng khâwm ang el an nih.

HOSEA 13:16

Samaria chu sukrêmin um a tih, A Pathien chungah a hel si a; Kâwlhnâma sukthlûkin um an ta, An nautêhai chu peinawi nîng an tih, An nuhmei nau vawn laihai chu phirthlêr nîng an tih.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

HOSEA 7:8

Ephraim hlak chu hnam danghai lai ân zêlsa a, Ephraim chu bei inlet lo a nih.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

MIKA 5:13

i kuoma inthawkin i milem siemfâwmhai le i lungphunhai chu sukbohmang ka ta; i kutsuok thil chu be ta naw ti ni.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 16:13

Siehlaw tukhawmin hotu pahni rawng a bâwl kawp thei nawh; pakhat chu theidain pakhat chu dit a tih, annawleh, pakhat ṭanin pakhat hmusit a tih. Pathien le sum rawng in bâwl kawp thei nawh,” a ta.

JAKOB 1:8

mi lungril bulbâl nei naw, a thil thaw po poa det naw mi chun.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 JOHAN 2:15

Khawvêl hi hmangai naw unla, khawvêla thil umhai khawm hi hmangai bawk naw ro. Mi tûkhawmin khawvêl a hmangai chun, Pa a hmangaina amaah a um nawh.

1 SAMUEL 5:4

Chun, a zîngnâwk zîngkâr an hang tho chun, ngai ta, Lalpa bâwm hmaa chun Dagon chu a hmaia hnuoi sikin a lo tlu dêr el a; Dagon lu le a kutpha bâwr khing hni bawng chu kawtkhâr bula chun a lo inhlum ngul el a; Dagon chu a taksa chau a lo um el ta a.