HOSEA 1:6 - Pathien Lekhabu Inthieng (BSI)

⁶ Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

HOSEA 1:6 ပူးပေါင်းရင်းမြစ်များ

2 LALHAI 17:20

Chun, Lalpain Israel thlahai hrim hrim chu a dit ta naw a, anni chu a sukrimsi a, a mit hmu phâk nawa a sawn hmang hma po chun rawktuhai kuta chun a pêk ta a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

HOSEA 1:8

Chun, Lo-ruhama chu nêne nêk ân bântir a, chun, nau a vawn nâwk a, naupasal a nei a.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

HOSEA 2:4

A nauhai khawm lainat naw ning, Nawchizawr nauhai an ni si a.

AMOS 7:8

Chun, Lalpa chun ka kuomah, “Amos, ieng am i hmu a?” a ta. Kei chun, “Enremna,” ka ta. Lalpa chun, “Ngai ta, ka mi Israelhai lai enremna sieng ka ta, anni chu hlâ nâwk ta naw ning a;

AMOS 9:8

Ngai ta u, Lalpa Pathien mit chu ram suol chungah a fu a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.

1 PETER 2:10

Inhma khan mi hrim in ni naw a, tuhin chu Pathien mi in ni ta a; inhma khan zângaina in hmu naw a, tuhin chu zângaina in hmu ta a.