HOSEA 1:4 - Pathien Lekhabu Inthieng (BSI)

⁴ Chun, Lalpa chun a kuomah, “A hmingah Jezreel sak rawh; Jezreel thisen phuba chu Jehu sûnghai chungah lâng ka ta; Israel sûnghai ram chu suktâwp ka tih.

HOSEA 1:4 ပူးပေါင်းရင်းမြစ်များ

2 LALHAI 10:1

Ahab chun Samaria chun naupasal sâwmsari a nei a. Chun, Jehu chun Samaria Jezreel khaw hotu, upahai kuoma le Ahab nauhai lo enkawl tleituhai kuoma chun lekha a thawn a.

2 LALHAI 10:17

Chun, Samari a va tlung chun Ahab sûnghai Samaria la um sunhai chu a sukbohmang vawng hmakhat chun a that pei a, Elija kuoma a hril, Lalpa thu ang ngei khan.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 15:8

Juda lal Azaria kum sâwmthum le kum riet ân lal kum chun Jeroboam naupa Zekaria chu Israelhai chungah Samari khuoah thla ruk sûng ân lal a.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

ISAI 8:3

Chun, zâwlneinu kuoma chun ka fe a, chuongchun, ama chun nau a vawn a, naupasal a nei ta a. Chuongchun, Lalpain ka kuomah, “A hmingah Maher-salal-has-baz sak rawh.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 20:3

A zinga chun; Pashur chun Jeremia chu intângna ina inthawk chun a hung ṭhuoi suok a. Jeremia chun a kuomah, “Lalpa chun i hming hi Pashur a ti naw che a, Magor-missabib a ti lem che a nih.

JEREMIA 23:2

Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

EZEKIEL 23:10

Chuonghai chun a saruokna chu an hlîmpêk a, a naupasalhai le a naunuhmeihai chu an lâkpêk a; ama le chun kâwlhnâmin an that a, ama chu nuhmeihai laia ṭawngnaa hmang a lo ni ta a, ama chunga chun rorêlna chu an lo sukthlûk ta si a.

EZEKIEL 23:31

I unaunu lampuia chun i lo fe ta a; chuleiin, ama no chu i kutah ka pêk ding a nih.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

HOSEA 2:22

Chun, hnuoi chun bu dâm, uoin dâm, hriek dâm bieng an ta; Chun, anni chun Jezreel bieng an tih.

HOSEA 9:17

Ka Pathien chun anni chu peihâwn a tih. Ama an ngaisak naw leiin; Chuongchun, hnam danghai lai chun invâiin um an tih.

AMOS 9:8

Ngai ta u, Lalpa Pathien mit chu ram suol chungah a fu a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:31

Ngai rawh, inrâi i ta, naupasal nei i ta, a hminga chun Isu i sak ding a nih.

LUKA 1:63

Chun, lekha ziekna lung phêk a hni a, “A hming Johan a nih,” tiin a ziek a. An rêngin mak an ti hle a.

JOHAN 1:42

Chuongchun, Isu kuomah a hung ṭhuoi a, Isûn ama chu a lo en a, “Johan naupa Simon i nih, Kipha tîng an ti che,” a ta, (chu chu Peter tina a nih.)

JOSUA 19:18

an ramri chin chu Jezreel, Kesulloth le Sunem,