HOSEA 1:10 - Pathien Lekhabu Inthieng (BSI)

¹⁰ Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

HOSEA 1:10 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 32:12

Nangin, ‘Siem ṭha ngei ngei ka ti che a, i thlahai chu tuisuorieta phaiphin tiem sênglo khawp raua tam angin siem ka ti che,’ i ti si a,” a ti a.

2 SAMUEL 7:24

Chuongchun, i mi Israelhai chu chatuona i mihai an ni theina dingin i ta dingin i suknghet ta a; chun, Lalpa, nang chu an Pathien i hung ni ta a.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw ni a, sukbohmangin um bawk naw ni,” tiin.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

ISAI 65:1

A mi lam ngai nawhai zawngin ka um a, a mi zawng ngai nawhai hmuin ka um a; ka hming put naw hnam kuoma chun, “Hitaka hin ka um, hitaka hin ka um,” ka ti a.

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

JEREMIA 33:22

Vâna umhai chu tiem sêng an ni naw a, tuisuoriet phaiphin chu inkhi ruol a ni naw ang bawkin; ka siehlaw David chithla chu sukpung ka ta, keia ta dinga rawngbâwltu Levi mihai le chun” tiin.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

JOHAN 1:12

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:19

Thilsiemhai chun beiseitakin Pathien nauhai hung inlangna chu an nghâkhla hle si a.

2 KORINTH 6:18

In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

HEBRAIHAI 11:12

Chuongchun, pasal pakhat, mithi ang el ni tahnunga inthawkin, vâna arasihai anga tam, tuisuoriet panga phaiphin anga tiem sêng naw an hung suok ta a.