HLAHAI HLA 6:10 - Pathien Lekhabu Inthieng (BSI)

¹⁰ Vârṭien ang ela hung dâk suok a, Thlapa ang ela hmêlṭha a, Nisa ang ela inthieng a, Puonzâr le sipai pâwl ang el a ṭium khi tu am a na?

HLAHAI HLA 6:10 ပူးပေါင်းရင်းမြစ်များ

2 SAMUEL 23:4

Nisa a hung suok a, sûm um dêr lo, Zîng khawvar ang hi nîng a ta; Raw sûr zoa khuo hung inthienga, Hnuoia hlohna inder no hlap ang hi nîng a tih.

JOB LEKHABU (THE BOOK OF JOB) 11:17

Chun, i hringna chu sûnchang lai nêkin hung fie lem a ta, Inthimna um sien khawm, zîngkâr ang ni tâng a tih.

JOB LEKHABU (THE BOOK OF JOB) 31:26

Nisa chu vartaka a var lei le, Thla chu vartaka a fê lai ka thlîr a;

INPÂKNA HLABU 14:5

Chutaka chun ṭi bêk bêkin an um a, Pathien chu mi fel thlahai lai chun a um hlak leiin.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

HLAHAI HLA 1:15

Ngai ta, ka hmangai, i hmêl a ṭha, ngai ta, i hmêl a ṭha, I mithai chu vaṭhu mit ang a nih.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

HLAHAI HLA 6:4

Aw ka hmangai, Tirza angin i mawi a, Jerusalem angin ngaino i bei a; Puonzâr le sipai ruol angin ṭi i um bawk a.

HLAHAI HLA 8:5

Thlalêra inthawka a hmangaitak ringsana Hungnu saw tu am a na? Apple thing hnuoia chun ka keiṭhang che a, Chutaka chun i nu chu nanga leia nauhase nat chun a um a, Chutaka chun nanga neitu che chu nauhase nat tuorin a um tah.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 13:43

Chu pha chun, mi felhai chu an Pa rama chun nisa angin var tâng an tih. Na nei chun hre raw se.

MATTHAI 17:2

an hmaa chun a hmêl umzie chu a hung danglam ta a; a hmai nisa angin a hung var a; a silfênhai chu vûr angin a hung vâr ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:37

Ṭhe lo e! chuong po poa chun, a mi hmangaitu lei chun ropuitaka hnetu ei nih.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 10:1

Chun, vântirko hrâttak dang pakhat, sûma inthuom, vâna inthawka hung ṭum ka hmu a; a lua chun sumrisâng ân zâm a, a hmai chu nisa ang a na, a kehai chu mei ban ang a nih.

THUPUONGSUO 12:1

Chun, thilmak ropuitak vânah a hung inlang ta a; nuhmei nisaa inthuom, a ke hnuoia thla um, arasi sâwm le pahnia siem lallukhum khum a hung um a;

THUPUONGSUO 21:23

Chu khuo chun a ên dingin nisa a ngai naw a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni si a.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.

THUPUONGSUO 22:5

Chun, zân um nâwk ta naw ni a; khâwnvar le nisa var ngai naw ni hai a; Lalpa Pathien chun anni a ên ding a ni si a; chuongchun, chatuonin ro rêl an tih.