HLAHAI HLA 5:9 - Pathien Lekhabu Inthieng (BSI)

⁹ I hmangaitak chu mi danghai hmangaitakhai leh a chuong a liemna, Aw nang nuhmeihai laia hmêlṭhatak, ieng am a um bîk a? I hmangaitak chu mi danghai hmangaitak le a chuong a liemna ieng am a um bîk a, Chuong ang lâwma i mi ngên chu?

HLAHAI HLA 5:9 ပူးပေါင်းရင်းမြစ်များ

INPÂKNA HLABU 45:13

Lal in sûnga lal naunu chu a ropui vêl vawng a, A silfên chu rângkachaka ṭiel mawi a nih.

INPÂKNA HLABU 87:3

Aw Pathien khawpui, I chungchâng thu ropuitakin an hril hlak a nih.

HLAHAI HLA 1:8

Aw nang nuhmeihai laia hmêlṭha tak, i hriet naw a ni chun, Ran ruolhai kehnunga chun i lampui chu zui suok la, I kêltehai chu berâmpu puon in kâwla chun intlattir rawh.

HLAHAI HLA 2:7

Aw Jerusalem naunuhai, ka ngên cheu, Phûla sazukpuihai le sakhihaiin, Ka hmangai chu sukṭhangin suktho naw ro, Ama a nuom hmakhat chun.

HLAHAI HLA 6:1

Khâw tieng am i hmangaitak chu a fe ta a, Aw nang nuhmei laia hmêlṭha tak? I hmangaitak chu khâwtieng am ân her ta a, Nang leh ama chu kan zawngpui theina ding chein?

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

MATTHAI 21:10

Chun, Jerusalem a lût chun, a khuoin, “Hi mipa hi tu am a na?” tiin an inhnîng sup sup a.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.