HLAHAI HLA 5:2 - Pathien Lekhabu Inthieng (BSI)

² Ka lo in a, ka lung ruok chu a har a, Chu! ka hmangaitak chu a hung nâwk ie, “Mi hung hawngpêk rawh, ka farnu, ka hmangai, ka vaṭhu, ka ṭha famkim; Ka lu chu daidâwin a sukhu a, Ka sam chu zân hnâwngin,” tiin.

HLAHAI HLA 5:2 ပူးပေါင်းရင်းမြစ်များ

INṬANNA 29:20

Jakob chun Rakil nei ding chun kum sari chu rawng a bâwl ta a, nisienlakhawm, Rakil chu a hmangai êm leiin ni sâwt nawte ang chauin a hriet a.

INPÂKNA HLABU 119:1

Kawnglama mi ṭha famkimhai chu an hamṭha ie, Lalpa dân hrawtuhai chu.

INPÂKNA HLABU 81:10

Kei Lalpa in Pathien chu ka nih; Aigupta rama inthawka ṭhuoi suoktu cheu kha. In bau ka lien unla, ka suksip ding annâwm.

THUVARHAI 23:26

Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

HLAHAI HLA 1:16

Ngai ta, i hmêl a ṭha, ka hmangai, anih, lung sukâwi; Ei khum khawm a hring a.

HLAHAI HLA 2:10

Ka hmangaitak chun a hril a, ka kuomah, “Ka hmangai, ka enchimlo, tho la, hung rawh.

HLAHAI HLA 2:14

Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei si a.

HLAHAI HLA 2:8

Ka hmangaitak râwl chu, ngai ta, a hung ie, Tlânghai chunga hung inchâwmin, muolhai chunga hung inhnelin.

HLAHAI HLA 3:1

Zânah ka khum chungah ka thlain a hmangai chu ka zawng a, Ama chu ka zawng a, anachu ka hmu naw a.

HLAHAI HLA 4:7

Ka hmangai, i ṭha kimvêl vawng el, Nangmaa chun kaidum hrim a um nawh.

HLAHAI HLA 4:9

Ka lungril chu i hne tah, ka farnu, ka mo, I mit sîr vawikhat mi âtna le, I rînga khaidiet pakhat chun ka lungril chu i sukhuoi tah.

HLAHAI HLA 5:11

A lu chu rângkachak inthiengtak ang a na, A samtawm chu ân bukin, vaâk angin a dum a.

HLAHAI HLA 5:6

Ka hmangaitak chu ka hawngpêk a; Nisienlakhawm, ka hmangaitak chu a lo intâwlhmang a, a lo fe hmang ta a, Thu a hung hril lai khan ka thlain a mîn âwimâwtir a; Ama chu ka zawng a, anachu ka hmu naw a; Ama chu ka ko a, anachu a mi dawn nawh.

HLAHAI HLA 6:9

Ka vaṭhu, ka ṭha famkim chu, pakhat chau a nih; Ama chu a nu nau nei sun a na, Ama châwitu nu lunglam tak chu a nih. Naunuhmeihai chun an hmu a, ama chu vângnei an ti a, Anih, lalnuhai le, thaikêmhai le chun ama chu an inpâk a.

HLAHAI HLA 7:9

I bau chu uoin thlumtak ang hi nih, Ka hmangaitak ta dinga luong thla ziei ziei a, A hmûrhai le a hahai chu luongkhum ang hi a nih.

HLAHAI HLA 8:7

Tui tamtakin hmangaina chu a sukre thei naw a, Tuilien khawmin a chîm hmang thei nawh. Mîn a ina thuomhnaw po po chu hmangaina ta dingin pe sien khawm, Hmusit let dêr nîng a tih.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ISAI 52:14

Mi tamtakin mak an ti hle che angin, (a hmêl chu mihriem hmêl nêk hmana suksietin a um a, a pienken chu mihriem nauhai pienken nêk hmana suksietin a um a),

DANIEL 8:18

Ka kuoma thu a hril lai chun ka hmai chu hnuoi tieng innghatin inhniktakin ka in a; nisienlakhawm, a mi them a, a mîn tungtho ta a.

ZEKARIA 4:1

Chun, vântirko a mi betu chu a hung nâwk a, mi a in lai sukhar angin a mi hung sukhar ta a.

MATTHAI 7:8

nawk ro, hawngpêkin um in tih; tukhawm a hni taphawt chun an hmu hlak; tukhawm a zawng chun an hmu hlak; tukhawm a nawk chu hawngpêk ning an tih.

MATTHAI 8:17

zâwlnei Isaiin, “Ama ngeiin ei hrâtnawnahai a lâk a, ei natnahai a phur a,” tia a hril kha a hung tlung theina dingin.

MARKA 1:35

Chun, zîngkâr inhmatakin, khawvar hma daiin a tho a, a suok a, hmun fienrielah a va fe a, chutaka chun a ṭawngṭai a.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

LUKA 6:12

Chun, chuong lai chun a suok a, ṭawngṭai dingin tlângah a fe a, Pathien kuomah zânkhuon a ṭawngṭai a.

LUKA 9:32

Peter le a ruolhai ruok chu an inlusu a; chun, an har phingleh a ropuizie le a kâwla mi pahni ngîr chu an hmu ta a.

JOHAN 10:4

A ta po po ân suoktir phingleh, an hma a ṭhuoi a, berâmhaiin ama an zu i hlak a, a râwl an hriet si a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.

THUPUONGSUO 3:4

Nisienlakhawm, Sardisa khan an puonhai sukthiengnaw naw hming tlâwmtê i nei a nih; anni chu puon vâr silin ka kuomah lêng ve hlak an tih; chuong ang thaw tlâk an ni si a.