HLAHAI HLA 5:16 - Pathien Lekhabu Inthieng (BSI)

¹⁶ A bausuok chu a thlum a, anih, dit a um pumhlûm el a nih; Hi hi ka hmangaitak chu a na, hi hi ka ruol chu a nih, Aw nangni Jerusalem naunuhai.

HLAHAI HLA 5:16 ပူးပေါင်းရင်းမြစ်များ

2 SAMUEL 1:23

Saula le Jonathan umdân chu dit a umin a mâwi a, An thi khawma an inṭhe nawh; Mupuihai nêkin an ṭuonrang lem a, Sakeibakneihai nêkin an hrât lem.

INPÂKNA HLABU 119:103

I thuhai hi ka bau ta dingin a va thlum de; Anih, ka bau ta ding chun khuoizu nêkin a thlum lem.

INPÂKNA HLABU 148:13

Chuonghai chun Lalpa hming chu inpâk raw se, A hming chau chu chawisângin a um sih a; A ropuina chun hnuoi le vân a khûm dai a.

INPÂKNA HLABU 19:10

Chuong chu rângkachak nêka ditum a na; anih, rângkachak inthieng tamtak nêk khawmin. Khuoizu le khuoithlâr nêk khawmin a thlum lem bawk a nih.

INPÂKNA HLABU 45:2

Mihriem nauhai nêk hin i hmêl a ṭha lem a, Lunginsietna hi i hmûra chun buok a nih; Chuleiin, Pathienin kumkhuoa dingin mal a sâwm che a nih.

INPÂKNA HLABU 89:6

Vân dumhaia khin Lalpa le hrilkhi thei ding tu am an um leh? Mi thilthawtheitak nauhai lai khin Lalpa ang,

HLAHAI HLA 1:16

Ngai ta, i hmêl a ṭha, ka hmangai, anih, lung sukâwi; Ei khum khawm a hring a.

HLAHAI HLA 1:2

A baua fâwpnahai chun mi hung fâwp sien; I hmangaina chu uoin nêk chun a ṭha lem si a.

HLAHAI HLA 1:5

Ka hâng a, nisienlakhawm, ngaino ka bei, Aw nangni Jerusalem naunuhai, Kedar puon inhai ang le, Solomon puonzârhai ang el chun.

HLAHAI HLA 2:1

Sharon rose pâr, Phairuom lili ka nih.

HLAHAI HLA 2:16

Ka hmangaitak chu ka ta a na, kei khawm a ta ka nih; Ama chun a ran ruol chu lilihai lai chun ân tlattir hlak.

HLAHAI HLA 2:3

Ramhnuoi thinghai laia apple thing ang el A nih ka hmangaitak chu, tlangvâlhai laia chun. Inhawi titakin a hlima chun ka ṭhung a, A ra chu ka baua chun a thlum a nih.

HLAHAI HLA 4:3

I hmûrhai chu puonsen inlâr ang a na, I ṭawngbausuokhai chu ngaino a bei a; I barêphai chu theibufai hlek ang a na, I puon lukhum hnuoia chun.

HLAHAI HLA 6:3

Ka hmangaitak ta chu ka na, ka hmangaitak chu ka ta a nih, An ran ruolhai chu lili lai chun ân tlattir a.

HLAHAI HLA 7:9

I bau chu uoin thlumtak ang hi nih, Ka hmangaitak ta dinga luong thla ziei ziei a, A hmûrhai le a hahai chu luongkhum ang hi a nih.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

JEREMIA 3:20

Anachu, nuhmeiin a pasal chu khawhlotaka a ṭhe angin, chuong ang tak chun ka chungah khawhlotakin i lo thaw ta tlat el a; Aw Israel sûngkuo,” Lalpa chun a tih.

HOSEA 3:1

Chun, Lalpa chun ka kuomah, “Fe nâwk ta la, nuhmei, mi dangin an idit lai, uirenu chu va hmangai rawh, Israel mipuihai chu pathien dang tieng nghain grêp bei thlum chu ngaina hai sien khawm Lalpain a hmangai zing ang bawk hin,” a ti a.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

JAKOB 2:23

Pathien Lekha Thu, “Abraham chun Pathien a ring a, chu ringna chu a felnaa ruot a nih,” ti thu kha a hung hlawtling a, chuongchun, Pathien Ruola inbûkin a um ta a.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.