HLAHAI HLA 5:1 - Pathien Lekhabu Inthieng (BSI)

¹ Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

HLAHAI HLA 5:1 ပူးပေါင်းရင်းမြစ်များ

INṬANNA 37:25

Chun, bu fa dingin an hang ṭhung tâwl a; chun, an hang dâk a, Ismael inzinpâwl Gileada inthawk an sanghâwngseia riminhnik, thing hnai damdawi le murra phura Aiguptaa zu fe ding hunghai chu an hmu a.

INPÂKNA HLABU 147:11

Lalpa chun ama ṭituhai chunga chun lâwmna a nei hlak, A ngilneina beiseituhai chunga chun.

INPÂKNA HLABU 16:3

Hnuoia mi inthieng umhai thua chu, Anni chu mi ṭha, ka lâwmna po po umnahai chu an nih.

THUVARHAI 24:13

Ka naupa, nang chun khuoizu fa rawh, a ṭha si a; Khuoithlâr fa rawh, chu chu i bauah a thlum a nih.

THUVARHAI 9:5

“Hung la, ka bei hung fa la, Ka uoin chawkpawl chu hung dâwn rawh.

THUHRILTU 2:5

Ka ta dingin huonhai le lênghmunhai ka siem a, chuongahai chun theikûng chi tinrêng ka phun a;

HLAHAI HLA 1:13

Ka hmangaitak chu ka ta ding chun murra bâwm ang a na, Ka âwmhai inkâra um ang hi.

HLAHAI HLA 4:16

Tho la, aw hmâr thli, nang sim thli, hung rawh; Ka huon chungah hung hrâng la, riminhnikhai chu a fe suok theina dingin. Ka hmangaitak chu a huonah hung sienla, A theira hlutakhai chu hung fa raw se.

HLAHAI HLA 4:8

Lebanona inthawkin mi hung zui la, ka mo, Lebanona inthawkin kei leh. Amana sîpa inthawk chun zuk en la, Senir le Hermon sîpa inthawk dâm chun, Sakeibaknei pûka inthawk dâm le Keitêhai tlânga inthawk dâm chun.

HLAHAI HLA 6:11

Makha huona chun ka zu fe thla a, Phai ruoma thil phun hringhai chu en ding le, Grêp hruihai chu an inder ta am, Theibufaihai chu an pâr ta am ti en dingin.

HLAHAI HLA 6:2

Ka hmangaitak chu a huonah, riminhnikhai bila chun a fe a, Huona chun vân suktlai ding le, lilihai va la khâwm dingin.

HLAHAI HLA 8:1

Aw nang chu ka ṭapa, Ka nu nênehai netu ngei ni la chu aw! Tuola ka hmu che khawmin, fâwp ka ti che; Anih, tukhawma mîn zâpui naw nih.

HLAHAI HLA 8:13

Huonahai chun nang chu i chêng a, Ruolhai nangma râwl ngaituhai chun; Kei khawm an mîn ngaitir a.

ISAI 23:18

Chun, a sum themsuok le a hlaw chu Lalpa ta dinga thil inthieng nîng a ta, chu chu inkhâwlin amanih, sie khâwlin amanih um naw ni a; a sum themsuok chu Lalpa hmaa umhai ta dingin a ni ding a ni si a; hnienghnâra an fâk ding le, silfên ropuitak an nei theina dingin.

ISAI 5:1

Ka idittak thu, a grêp huon chungchâng thu chu, ka idittak ta dingin hlain sak ka tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, Lalpa kut chu a siehlawhai tieng a um ti hrieng an ta, a hmêlmahai chunga chun lungni naw ni.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

LUKA 12:4

Chun, ka ruolhai, ka hril cheu hi, taksa sukhluma, chu hnunga iengkhawm thaw nâwk thei ta nawhai chu ṭi naw ro.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

RORELTUHAI 14:11

Chun, mipuiin ama chu an hmu phingleh a kuoma um ve dingin ruolhai sâwmthum a ṭhuoi a.

RORELTUHAI 14:20

Chun, Samson nuhmei chu inneinaa ṭhien dinga a hmang, a ruolpa kha an lo pêk ta a.