HLAHAI HLA 4:9 - Pathien Lekhabu Inthieng (BSI)

⁹ Ka lungril chu i hne tah, ka farnu, ka mo, I mit sîr vawikhat mi âtna le, I rînga khaidiet pakhat chun ka lungril chu i sukhuoi tah.

HLAHAI HLA 4:9 ပူးပေါင်းရင်းမြစ်များ

INṬANNA 20:12

Chu nâksapah ka farnu a ni hrim bawk a, ka pa naunu a ni a, ka nu naunu ruok chu a ni nawh; chun, ka nuhmei a hung ni tah a nih.

INṬANNA 41:42

Chun, Pharaoin a kuta inthawkin a hming namna kutsebi chu a phawi a, Josef kutah ân buntir a, puon zai inhmia siem silfênhai ân hâktir bawk a, a rîngah rângkachak khaidiet ân hlîtir a;

INPÂKNA HLABU 45:9

I nuhmei ṭhahai laia chun lalhai naunuhai an ṭhang ve a, I changtieng chun Ophir rângkachaka incheiin lalnu chu a ngîr a.

THUVARHAI 1:9

I lua chun pâr ṭhi mawitak nîng an ta, I rîng vêla chun ṭhi ang an ni ding a ni si a.

THUVARHAI 6:25

I lungrila chun a mawina chu châk naw la, A mitsîrhai chun nang chu kuoi bawk naw raw se che.

HLAHAI HLA 1:10

I bienghai chu samphier le chun ngaino an bei hle a, I rînga lunghlu ṭhihruihai le chun.

HLAHAI HLA 1:15

Ngai ta, ka hmangai, i hmêl a ṭha, ngai ta, i hmêl a ṭha, I mithai chu vaṭhu mit ang a nih.

HLAHAI HLA 3:11

Aw nangni Zion naunuhai, fe suok unla, lal Solomon chu en ro, Nuhmei a nei nia le a lungril a hlim nia a nuin lallukhum ân khumtir kha.

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

HLAHAI HLA 4:12

Huon khâra um chu ka farnu, ka mo a na, Tuihnâr inhuona um le, tuikhur khâra um le chun.

HLAHAI HLA 6:12

Annawleh, kân ring naw kâr, Ka thla chun, ka mi dit zâwnghai sakawr tawlailîr lai a mi sie ta a.

HLAHAI HLA 6:5

Keimaa inthawkin i mithai chu la kieng rawh, An mi sukṭi ta si a. I sam chu kêl ruol, Gilead sîr panga tlahai ang chu a nih.

HLAHAI HLA 7:10

Ka hmangaitak ta chu ka na, Chun, a châk zâwng khawm keia tieng a nih.

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

EZEKIEL 16:11

Incheina thuomhaiin ka chei che a, i kuta chun bânbunhai kân buntir che a, i rîngah khaidiet leh.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

DANIEL 5:7

Chun, aisânthiemhai, Kaldai mihai le vânghriltuhai chu hung ṭhuoi dingin lal chu inringtakin a khêk ta a. Lal chun Babulona mi varhai kuoma chun, “Tukhawm hi lekhaziek hi tiem a, a umzie mîn entir thei taphawt chu puon senduk insiltirin a rînga chun rângkachak khaidiet inhlitir nîng a ta, hi ram rorêltu pathumna chu ni bawk a tih,” a ta.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MATTHAI 12:50

Tukhawm ka Pa vâna mi dit zâwng thaw taphawt chu, ka unau le, ka farnu le, ka nuhai an nih in sawnnaw,” a ta.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

1 KORINTH 9:5

Tirko danghai le Lalpa unauhai le, Kipha ang khan ringtu nuhmei ṭhuoi vêl dingin

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.