HLAHAI HLA 4:6 - Pathien Lekhabu Inthieng (BSI)

⁶ Sûn ni chu a hung dei a, hlimhai chu a fe hmang chenin, Murra tlânga le, Beraw muola chun fêng ka tih.

HLAHAI HLA 4:6 ပူးပေါင်းရင်းမြစ်များ

INPÂKNA HLABU 66:15

Sa thâutak pumrawhmanga thil inhlânhai i kuomah inhlân ka ta, Berâmchalhai raw rim inhnik leh; Bâwngchalhai, kêlhai leh inhlân ka tih.

FESUOKNA 20:24

Ka kuomah leihnuoiin maichâm siem i ta, chu chunga chun râwhmang thilinhlânhai, inremna thilinhlânhai le, i berâmhai le i bâwngchalhai chu hung inhlân i ta; ka hming hriet zing dinga ka tina chun i kuomah hung ka ta, mal sâwm ka ti che.

FESUOKNA 30:8

Aron chun zântienga khâwnvarhai ân sit pha chun raw bawk a tih; in thlahai chenin Lalpa hmaah riminhnik chu râw zing in tih.

FESUOKNA 37:29

Chun, riminhnik siemtu siem dânin riminhnik râwmi le innâlna hriek inthieng a siem a.

HLAHAI HLA 2:17

Sûnni chu a hung dei a, hlimhai chu a fe hmang chenin, Ka hmangaitak, kîr la, sakhi amanih, Sazuk lâ amanih ang ni rawh, Bether tlâng chunga chun.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

HLAHAI HLA 4:14

Spiknard le pâr riminhnik, Dipâr le thingzungthak, Beraw thing chi po po leh; Murra le Aloes, rim inhniktak chi po po leh.

HLAHAI HLA 8:14

Ka hmangaitak, inhmaw rawh; Sakhipui amanih, sazuk tuoi amanih ang ni rawh, Riminhnik tlânghai chunga chun.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

1 JOHAN 2:8

Niesienlakhawm in kuomah thupêk thar ziek nawk a ni hi, (chu chu amaah le nangniah ân lang a nih), inthimna chu a bo mêk a, var taktak chu tuhin a hung var ta leiin.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl ta a; chuong riminhnikhai chu mi inthienghai ṭawngṭaina a nih.