HLAHAI HLA 2:8 - Pathien Lekhabu Inthieng (BSI)

⁸ Ka hmangaitak râwl chu, ngai ta, a hung ie, Tlânghai chunga hung inchâwmin, muolhai chunga hung inhnelin.

HLAHAI HLA 2:8 ပူးပေါင်းရင်းမြစ်များ

2 SAMUEL 6:16

Chun, Lalpa bâwm chu David khuoa a lût lai chun Saula naunu Mikal chun tukvera inthawk hin a lo thlîr a; Lalpa hmaa David lâm le inchâwm chu a zuk hmu a, a hmusit lungril ta a.

HLAHAI HLA 2:17

Sûnni chu a hung dei a, hlimhai chu a fe hmang chenin, Ka hmangaitak, kîr la, sakhi amanih, Sazuk lâ amanih ang ni rawh, Bether tlâng chunga chun.

HLAHAI HLA 4:16

Tho la, aw hmâr thli, nang sim thli, hung rawh; Ka huon chungah hung hrâng la, riminhnikhai chu a fe suok theina dingin. Ka hmangaitak chu a huonah hung sienla, A theira hlutakhai chu hung fa raw se.

HLAHAI HLA 5:2

Ka lo in a, ka lung ruok chu a har a, Chu! ka hmangaitak chu a hung nâwk ie, “Mi hung hawngpêk rawh, ka farnu, ka hmangai, ka vaṭhu, ka ṭha famkim; Ka lu chu daidâwin a sukhu a, Ka sam chu zân hnâwngin,” tiin.

ISAI 35:6

Chu pha chun kebaihai chu sakhi angin inchâwm an ta, ṭawng theinawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 52:7

Tlângahai chanchin ṭha intluna, in- remna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

JEREMIA 48:27

Nanga ta ding chun Israel chu hrilsîm a ni naw am a nih? Inruhai lai hmu a ni am a nih? Ama thu chu i hril poleh, lu i lei el si a.

LUKA 6:23

Chu ni chun lâwm unla, hlimin inchâwm ro; ngai ta u, vânah in lâwmman a um râwn si a; chuong ang bawkin an thlatuhaiin zâwlneihai chungah an thaw hlak kha.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

THILTHAWHAI 14:10

rawl inringtakin, “I kein ngîr tlûn rawh,” a ta. Chun, ama chu ân châwm tho a, kein a lâwn ta a.

THILTHAWHAI 3:8

Chun, ama chu ân châwm tho a, a ngîr a, a kein a lâwn ṭan ta a. Kea lâwn lâwn le, inchâwm le, Pathien inpâk pum peiin biekina chun a lût ve ta a.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.