HLAHAI HLA 2:4 - Pathien Lekhabu Inthieng (BSI)

⁴ Bu fâkna ina chun a mi ṭhuoi a, Ka chunga a puonzâr chu hmangaina a nih.

HLAHAI HLA 2:4 ပူးပေါင်းရင်းမြစ်များ

ESTHER 7:7

Chun, lal chu a lunginsen chun uoin dâwn lai chu a tho a, lal in huona chun a va fe ta a; chun, lalnu Esther kuoma a hringna ta dinga ngên dingin Haman khawm chu a ngîr ta a; a chunga chun thiltum ṭha nawtak lal chun a nei ti a hmu ta si a.

JOB LEKHABU (THE BOOK OF JOB) 1:10

Ama vêla le, a in le a nei po po, a sîr tina chun paldâi i siempêk a ni naw am a nih? A kuthai sinthaw chu mal i sâwm a, a ran ruol chu hi rama hin a hung pung ta a.

INPÂKNA HLABU 20:5

I sandamnaa chun hlimin hla sak ka ta, Ei Pathien hmingin ei puonzârhai hi la zâr ei tih: Lalpa chun i hnina po po inhlawtlingtir raw se che.

INPÂKNA HLABU 60:4

Nangma ṭituhai che kuoma chun puonzâr i pêk ta a, Thutak leia zar a ni theina dingin.

INPÂKNA HLABU 84:10

I biekin inhuon sûng tuollaia ni khat um hi ni sâng khat nêkin a ṭhalem sih a; Rîtlona puon inhaia um nêk chun, Ei Pathien ina kawtkhâr vêngtu ni khawm ka nuom lem a nih.

HLAHAI HLA 1:1

Hlahai hla, Solomon ta chu.

HLAHAI HLA 1:4

Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

HLAHAI HLA 6:4

Aw ka hmangai, Tirza angin i mawi a, Jerusalem angin ngaino i bei a; Puonzâr le sipai ruol angin ṭi i um bawk a.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.