HLAHAI HLA 2:14 - Pathien Lekhabu Inthieng (BSI)

¹⁴ Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei si a.

HLAHAI HLA 2:14 ပူးပေါင်းရင်းမြစ်များ

JOB LEKHABU (THE BOOK OF JOB) 9:16

Ama ka ko chun a mi hung dawn hlak a; Ama chun ka râwl chu a ngai naw am a ni ka la sâwn rawp a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

INPÂKNA HLABU 22:3

Nisienlakhawm, aw nang Israelhai inpâknaa chêng hlak, Nang chu în thieng a nih.

INPÂKNA HLABU 45:11

Chuongchun, laltakin i hmêl ṭhatak hi a dit ding annâwm, Ama chu i Lalpa a ni si a; chuongchun, ama chu chibai bûk hlak rawh.

INPÂKNA HLABU 45:12

Tura naunu chu thilpêk chawiin chutaka chun um a ta, Mi laia hausahai ngei chun i ditsakna hung ngên an tih.

INPÂKNA HLABU 50:23

Tukhawm lâwmthu hril inthawina inhlân taphawt chun a mi chawimawi hlak, Chun, a um dân takinningtaka vawngtu kuoma chun, Pathien sandamna inentir ka tih,” a ti a.

INPÂKNA HLABU 68:13

Vaṭhu thla tangkaruoa tuoma, A thla hmawr khawm rângkachak engtaka tuom angin, Berâm huon kârahai dâm i zâl ding am a nih?

INPÂKNA HLABU 74:19

Aw, i vaṭhu hringna hi ram sahrâng kuoma chun pe lul naw la, I mi rimsihai hringna hi kumkhuo chun theinghil lul naw rawh.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

HLAHAI HLA 1:15

Ngai ta, ka hmangai, i hmêl a ṭha, ngai ta, i hmêl a ṭha, I mithai chu vaṭhu mit ang a nih.

HLAHAI HLA 1:5

Ka hâng a, nisienlakhawm, ngaino ka bei, Aw nangni Jerusalem naunuhai, Kedar puon inhai ang le, Solomon puonzârhai ang el chun.

HLAHAI HLA 1:8

Aw nang nuhmeihai laia hmêlṭha tak, i hriet naw a ni chun, Ran ruolhai kehnunga chun i lampui chu zui suok la, I kêltehai chu berâmpu puon in kâwla chun intlattir rawh.

HLAHAI HLA 5:2

Ka lo in a, ka lung ruok chu a har a, Chu! ka hmangaitak chu a hung nâwk ie, “Mi hung hawngpêk rawh, ka farnu, ka hmangai, ka vaṭhu, ka ṭha famkim; Ka lu chu daidâwin a sukhu a, Ka sam chu zân hnâwngin,” tiin.

HLAHAI HLA 8:13

Huonahai chun nang chu i chêng a, Ruolhai nangma râwl ngaituhai chun; Kei khawm an mîn ngaitir a.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 60:8

Sûm anga vuong le vaṭhu anni tukver pana vuong mer mur anga vuonghai saw tuhai am an na?

JEREMIA 48:28

“Aw Moab hluotuhai, khawpuihai chu mâksan unla, râwlahai chun va chêng ro; pûk bau sîra a bu septu vâṭhu ang chu ni ro.

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

DANIEL 9:7

Aw Lalpa, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.

OBADIA 1:3

Aw nang, lungpui kak kâra chêng a; hmun insâng hluotu, “Tuin am hnuoiah mi sukthlâng a ta?” ti lungriltu, i lungril chapona hin a hlêm ta che a nih.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 3:16

Chun, Isu baptisma a chang phingleh, tuia inthawk chun a suok nghâl ta a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmu a.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

KOLOSSA 1:22

Tu ruok hin chu a taksa thina leiin, thienghlim le sawiselbo le hmelhemlova a hmaa in um theina dingin ama leh a sukrem ta cheu a nih.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei lova inthuom ni lem raw se, chu chu Pathien mithmu chun a hlu bêk bêk a nih.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl ta a; chuong riminhnikhai chu mi inthienghai ṭawngṭaina a nih.