HLAHAI HLA 1:8 - Pathien Lekhabu Inthieng (BSI)

⁸ Aw nang nuhmeihai laia hmêlṭha tak, i hriet naw a ni chun, Ran ruolhai kehnunga chun i lampui chu zui suok la, I kêltehai chu berâmpu puon in kâwla chun intlattir rawh.

HLAHAI HLA 1:8 ပူးပေါင်းရင်းမြစ်များ

INPÂKNA HLABU 16:3

Hnuoia mi inthieng umhai thua chu, Anni chu mi ṭha, ka lâwmna po po umnahai chu an nih.

INPÂKNA HLABU 45:11

Chuongchun, laltakin i hmêl ṭhatak hi a dit ding annâwm, Ama chu i Lalpa a ni si a; chuongchun, ama chu chibai bûk hlak rawh.

INPÂKNA HLABU 45:13

Lal in sûnga lal naunu chu a ropui vêl vawng a, A silfên chu rângkachaka ṭiel mawi a nih.

THUVARHAI 8:34

Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.

HLAHAI HLA 1:15

Ngai ta, ka hmangai, i hmêl a ṭha, ngai ta, i hmêl a ṭha, I mithai chu vaṭhu mit ang a nih.

HLAHAI HLA 2:10

Ka hmangaitak chun a hril a, ka kuomah, “Ka hmangai, ka enchimlo, tho la, hung rawh.

HLAHAI HLA 4:1

Ngai ta, i hmêl a ṭha, ka hmangai, i hmêl a ṭha, ngai ta, I mithai chu i puon lukhum hnuoia chun vaṭhu mit ang a na, I sam chu kêl ruol ang a nih; Gilead tlâng pang sira bawkhai ang chu.

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

HLAHAI HLA 4:7

Ka hmangai, i ṭha kimvêl vawng el, Nangmaa chun kaidum hrim a um nawh.

HLAHAI HLA 5:9

I hmangaitak chu mi danghai hmangaitakhai leh a chuong a liemna, Aw nang nuhmeihai laia hmêlṭhatak, ieng am a um bîk a? I hmangaitak chu mi danghai hmangaitak le a chuong a liemna ieng am a um bîk a, Chuong ang lâwma i mi ngên chu?

HLAHAI HLA 6:1

Khâw tieng am i hmangaitak chu a fe ta a, Aw nang nuhmei laia hmêlṭha tak? I hmangaitak chu khâwtieng am ân her ta a, Nang leh ama chu kan zawngpui theina ding chein?

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JOHAN 21:15

Chun, zingbu an fâk zoin, Isûn Simon Peter kuomah, “Simon, Johan naupa, hienghai nêk hin nangin kei i mi hmangai lem am?” a ta. Ama chun a kuomah, “Aw, Lalpa, ka ngaina che ti i hriet,” a ta. Ama chun a kuomah, “Ka berâmtehai châwm rawh,” a ta.

1 KORINTH 11:1

Keiin Krista ka entawn angtak hin, nangni khawmin mi entawn ve ro.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

HEBRAIHAI 13:7

In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

JAKOB 2:21

Ei thlatu Abraham chun a naupa Isak maichâm chunga ân hlân lai khan thilthaw leiin thiem a chang a ni naw am a nih?

JAKOB 2:25

Chuong ang bawkin, Rahab nawchizawr khawm khan tirkohai kha a lo lâwm a, lampui danga ân fetir lai khan, thilthaw leiin thiem a chang a ni naw am a nih?

JAKOB 5:10

Unauhai, Lalpa hminga thu hriltu le zâwlneihai chu, tuor dân le sel dân kawnga chun, enkhi dingin hmang ro.

1 PETER 3:6

Sarain Abraham chu, “Lalpa,” tiin a thu a awi ang khan, thil ṭha thawin, ṭitna ding hrim nei lova in um chun, Sara nauhai nîng in tih.