HLAHAI HLA 1:6 - Pathien Lekhabu Inthieng (BSI)

⁶ Ka hâng êm leiin kei mîn sit naw unla, Nisa chun a mi em duk leiin. Ka nu naupasalhai chu ka chungah an lunginsen a, Grêp huon enkawltuah an mi siem a; Keima grêp huon ruok chu ka enkawl nawh.

HLAHAI HLA 1:6 ပူးပေါင်းရင်းမြစ်များ

JOB LEKHABU (THE BOOK OF JOB) 30:30

Ka vun chu a hung dum a, ka panga inthawkin ân hlip thla a; Ka ruhai chu lumin a kâng bawk a.

INPÂKNA HLABU 69:8

Ka unauhai laia chun mikhuol ka hung ni ta a, Ka nu nauhai kuoma chun hriet ngailo mi ka lo ni ta a.

JEREMIA 12:6

I unauhai le i pa sûngkuo ngei chun, i chungah khawhlotakin an lo thaw ta a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

ṬAP HLA 4:8

An hmai chu meihawl nêkin a dum lem a, kawtthlêrhaia chun hriet an ni nawh; An vun chu an ruhaia chun a kawp ri ngawt a, a vuoi a, hmawl ang el a nih.

MIKA 7:6

Naupa chun pa hming a suksiet a, naunu chun a nu a do a, moin a tarpi a do si a; mihriem hmêlmahai chu ama sûnghai ngei an nih.

MATTHAI 10:22

Keia hming leiin mi po po theida nîng in tih; nisienlakhawm, a tâwp chena tuor pei chu, chu ngei chu sandamin um a tih.

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MARKA 4:6

nisienlakhawm, nisa a hung insâng pha em vuoiin a um a, zung a nei naw leiin a rawp ta el a.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

GALATI 4:29

Chun, chuong lai chun, tisa dâna hung pieng khan, Thlarau dâna hung pieng chu a suknawmna a, tu khawm hin chuong ang bawk chu a nih.