HLAHAI HLA 1:4 - Pathien Lekhabu Inthieng (BSI)

⁴ Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

HLAHAI HLA 1:4 ပူးပေါင်းရင်းမြစ်များ

INPÂKNA HLABU 111:4

Ama chun a thilmak thawhai chu ân hriet zingtir a, Lalpa chu mi lunginsiet theitak, lainatnaa sip a nih.

INPÂKNA HLABU 119:32

I thupêk lampuia chun tlân ka ta, Ka lungril hi i suklien pha chun.

INPÂKNA HLABU 119:60

I thupêkhai zâwm dingin, Kân hmaw a sâwt ka riel nawh.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 42:4

Hieng thil hi ka hriet zing a, ka hringna hi ka sûngah ka bunthlâk a, Mipui laia ka fe a hlimna le inpâkna ri leh, mi tamtak ruoiṭhe, Pathien biekin pana an hma ka ṭhuoi hlakzie ang dâm kha.

INPÂKNA HLABU 48:9

Aw Pathien, i biekin sûng rila chun, I ngilneizie hi kan ngaituo tah.

INPÂKNA HLABU 63:5

Ka hringna hi thlin le thâua khawp angin khawp a ta, Ka bau hin hlim hmûr putin inpâk bawk a ti che.

HLAHAI HLA 3:4

Anni ka fe khêl hnung sâwt nawtêah, Ka thlain a hmangai chu ka hmu a. Ama chu ka chel a, kân fetir ta naw a; Ka nu inah ka hung ṭhuoi a, Kei a mi neitunu pindana ka hung ṭhuoi lût hmakhat chun.

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

ISAI 25:8

Thina chu a lem sawng tah; Lalpa Pathien chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; Lalpain chu chu a hril ta si a.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

JEREMIA 31:3

Lalpa chu hlataka inthawkin a kuomah a hung inlâr a. Kumkhaw hmangaina chun ka hmangai che a, chuleiin, lunginsietna ngilneina chun ka hîp che a.

HOSEA 11:4

Mihriem hruihruol, hmangaina hruihai chun anni ka kei a, An ta ding chun an khâka kawl hlîppêktu ang chu ka na, Duottakin an hmaah fâk ding ka pêk a.

ZEPHANIA 3:14

Aw Zion naunuhai, hla sak ro; aw Israel, khêk suok rawh; Aw Jerusalem naunu, lungril po poin hlimin lâwm rawh.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 25:10

Chun, inchaw dinga an fe hmang kâr chun, mo neitu chu a hung tlung ta a; chuongchun, ân zohai chu ama le chun inneina ruoi fa dingin an lût a; chun, kawt chu an khâr ta a.

LUKA 2:10

Chun, vântirko chun an kuomah, “Ṭi naw unla, ngai ro, mi tin ta ding chanchin ṭha lâwmum bêk bêk ka hung intlun cheu a nih.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

JOHAN 6:44

Pa a mi tirtuin a hîp naw chun tukhawm ka kuomah hung thei naw ni hai; chun, keiin ni kin nia chun a hung chu keitho ka tih.

EPHESI 2:6

Krista Isua chun ama ruol bawka mi keithoin, vân hmunhaiah ama kuom ngeiah a mîn ṭhungtir ta a,

EPHESI 6:24

Ei Lalpa Isu Krista chuoilova hmangaituhai po po kuomah lunginsietna um raw se.

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

HEBRAIHAI 12:1

Chuongchun, sumpui nasatak ang thlîrtuhai min huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;