HLAHAI HLA 1:3 - Pathien Lekhabu Inthieng (BSI)

³ I hriekhai chun rim inhnikna tak a nei a; I hming chu hriek bun suok ang a nih; Chuleichun, nunghâkhaiin an hmangai che a nih.

HLAHAI HLA 1:3 ပူးပေါင်းရင်းမြစ်များ

INPÂKNA HLABU 133:2

Lua hriek hlutak, Khâkhmula luong thla, Aron khâkhmul ngeia luong thla a, A zakawfuol hmawra luong thla ang kha a nih.

INPÂKNA HLABU 45:14

Puon ṭhui mawi silin laltak kuomah ṭhuoi an ta, Ama zuitu nunghâk a ruolhai chu, I kuomah ṭhuoi an tih.

FESUOKNA 33:12

Mosie chun Lalpa kuomah, “Ngai ta, nangin ka kuomah, ‘Mipui hi hung ṭhuoi rawh,’ i ti a, kei le i tir ding chu tu am a nih i mîn hriettir si naw a. Nisienlakhawm, nangin, ‘I hmingin ka hriet che a, ka mithmuah lunginsietna i chang ta bawk a nih,’ i ti a.

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘Lalpa chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

THUVARHAI 27:9

Hriek le riminhnik hin lungril a suklâwm ang bawkin, Lungril taka inthawka suok ruolpa thurâwn ṭha chun a suklâwm hlak,

THUHRILTU 7:1

Hming ṭhat chu hriek hlutak nêkin a ṭha lem a; Mi a thi ni chu a pieng ni nêkin a ṭha lem bawk.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

HLAHAI HLA 5:13

A bienghai chu riminhnik bil, rim inhnik insuo hlak ang a na, A hmûrhai chu lili, murra tui infartir ang chu a nih.

HLAHAI HLA 5:5

Ka hmangaitak chu hawngpêk dingin ka tho ta a, Ka kuthai chu murrain a far a, ka kutpârhai chu murra tuiin, Kawtkalna bâwk chunga chun.

HLAHAI HLA 6:8

Lalnu sâwmruk le, thaikêm chu sâwmriet an um a, Chun, nunghâk chu tiem sêng lo.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

MATTHAI 25:1

“Chu pha chun, vân ram chu nunghâk inthieng sâwm, an khâwnvar chawia, mo neitu tuok dinga suokhai le chun, tekhi ni tâng a tih.

JOHAN 12:3

Chun, Mariin bûk zâtve Spiknard hriek rim inhnik totak a hung chawi a, Isu kehai a nâl a, a samin a kehai chu a hrûk a; chuongchun, chu hriek rim chun in chu a sip rum rum el a.

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.