HEBRAIHAI 9:28 - Pathien Lekhabu Inthieng (BSI)

²⁸ chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

HEBRAIHAI 9:28 ပူးပေါင်းရင်းမြစ်များ

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

LEVI DÂN 10:17

“Iengdinga suol inthâwina chu hmun inthienga in fâk naw am a na? Hi hi thil inthieng tak, mipui rîtlona in phur theina dinga a pêk cheu, Lalpa hmaa intlanna in siempêk dinga a pêk cheu a ni si a.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.

NAMBAR 18:1

Lalpa chun Aron kuomah, “Nang le i nâupasalhai le in sûngkuo hin hmun inthieng khawhlona maw chu phur in ta; chun, nang le i naupasalhai hin in thiempu nina khawhlona maw chu phur bawk in tih.

NAMBAR 18:23

Levi mihai ruok hin chu intuokna puon in rawngbâwl sin chu thâwng an ta, anni dân nîng a tih; chun, Israel mihai laiah rochan nei naw ni hai.

NAMBAR 7:33

pumrâwhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:28

hi hi ka thisen, suolhai ngaidamna dinga mi tamtak ta dinga suok ding, thuthlungna chu a nih

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:15

Nisienlakhawm, thilthlâwnpêk chu bawsietna leh ân ang nawh. Mi pakhat bawsietna lei hman khan mi tamtak chu an thi si chun, Pathien lunginsietna le mi pakhat Isu Krista lunginsietna leia thilpêk chu, mi tamtak chungah vurin um ngei a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:10

Thina chun ama chungah thu a nei ta nawh. A thina chu suol tieng kawnga kumkhuoa dingin vawikhat chau a thi a na, a hringna ruok chu Pathien tieng kawnga hring a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:23

Chu chau khawm chu ni lovin, eini, Thlarau rahmasa neituhai ngei khawm hin, nau ei nina (ei taksa intlanna) chu nghâkin, eini meu khawm ei lungrilin ei inrûm si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

1 KORINTH 1:7

chuongchun, ei Lalpa Isu Krista hung inlangna nghâka in um sung hin thlarau tieng thilpêk hrim in tlasam naw a.

1 KORINTH 15:54

Chuongchun, hi hmawnthei hin hmawntheinawna a sila, hi thithei hin thitheinawna a sil pha chun, “Hnenain thina a lem zo tah,”

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

2 THESSALONIKA 2:1

Nisienlakhawm, unauhai, ei Lalpa Isu Krista hungna le a kuoma ei hang inkhâwmna ding thua chun,

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 9:25

nisienlakhawm, Thiempu Laltak chu kum tinin, mâni thisen naw, thisen chawi puma Hmun Inthiengah a lût hlak angin, ama chu mâni inhlân rawp dingin a lût naw bawk a,

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

2 PETER 3:12

Pathien Ni hung tlung ding hun chu ṭhahnemngaitakin beisei zing ro. Chu ni chu a tlung chun vânhai chu kângin bohmang a ta, thil bulhai khawm chu meia emtuiin um tâng an tih.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.

JUDA 1:21

Thlarau Inthienga ṭawngṭaiin; chatuon hringna inneitirna khawp ei Lalpa Isu Krista lunginsietna chu nghâk pumin, Pathien hmangainaa chun inkawl ṭha ro.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.