HEBRAIHAI 8:9 - Pathien Lekhabu Inthieng (BSI)

⁹ An thlatuhai Aigupta rama ṭhuoi suok dinga, An kuta ka chel nia, Ka thuthlung ang kha ni lovin; Ka thuthlunga chun an um zing si naw a, Chuongchun, anni chu ka ngaisak ta naw a nih, Lalpain a tih.

HEBRAIHAI 8:9 ပူးပေါင်းရင်းမြစ်များ

INṬANNA 19:16

Ama hlak chu a la muong hle si a; chuongchun, Lalpain ama chu a lunginsiet leiin mihai chun a kuta le a nuhmei kuta le, a naunuhmeihai pahni kuta chun an chel a, chuongchun, an ṭhuoi suok a, khawhnâwma chun an sie ta a.

JOB LEKHABU (THE BOOK OF JOB) 8:20

Ngai ta, Pathien chun mi fel chu pei thla naw ni a, Thil suol thawtu chu tungding bawk naw ni.

INPÂKNA HLABU 105:43

Chuongchun, a mihai chu hlimtakin a ṭhuoi suok ta a, A mi thlanghai chu hla sak pei pumin.

INPÂKNA HLABU 77:20

Mosie le Aron kutin, I mihai chu berâm ruol angin i ṭhuoi hlak.

INPÂKNA HLABU 78:57

Ngha kîrin, an thlatuhai angin vervêktakin an thaw ta lem a: Thalngul ringum naw angin an fe kâwi ta a;

FESUOKNA 32:8

an kuoma thu ka pêka inthawk chun an pêt hmang nghâl el ta a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an ti a,” tiin.

FESUOKNA 34:10

Lalpa chun, “Ngai ta, thuthlung ka siem hi. Ieng hnam lai khawm le hnuoi chung po poa la thaw ngai dêr lo, i mihai po po hmaah thilmakhai thâwng ka tih. Anni laia i umna mi po po chun Lalpa sinthaw chu hmûng an tih, nangmaa thil ka thaw ding chu râpthlâktak a ni si a.

HLAHAI HLA 8:5

Thlalêra inthawka a hmangaitak ringsana Hungnu saw tu am a na? Apple thing hnuoia chun ka keiṭhang che a, Chutaka chun i nu chu nanga leia nauhase nat chun a um a, Chutaka chun nanga neitu che chu nauhase nat tuorin a um tah.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 41:13

Kei Lalpa in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni si a.

ISAI 51:18

A naupasal neihai po po lai chun ama ṭhuoitu ding tukhawm an um naw a; a naupasal châwm lienhai po po lai chun a kuta chel tukhawm an um bawk nawh.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni lovin, an ta dingin pasal ka ni dea chu, chu ka thuthlung chu an bawsiet a, Lalpa chun a tih.

ṬAP HLA 4:16

Lalpa lunginsenna chun anni chu a ṭhe a, ngaisak nâwk ta naw ni; Thiempu mi nina chu an inza naw a, upahai khawm an ditsak bawk nawh.

EZEKIEL 16:59

“Lalpa Pathien chun hieng hin a tih: thuthlung bawsea, inkhâmna hmusita nangin i lo thaw ta ang khan nanga chunga khawm thâwng ka tih.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

AMOS 5:22

Anih, in pumrawhmang thilinhlân le in bu thilinhlânhai chu mîn hlân unla khawm, pawm naw ning a, in inremna ran thâu thilinhlânhai khawm ngaisak bawk naw ning.

MALAKI 2:13

Chun, hi khawm hi in thaw nâwk bawk a, Lalpa maichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

MARKA 8:23

Chun, ama chun mitdel kut chu a chel a, khaw kâwl tieng a fepui a; chun, a mita chun chil a sâk a, a chungah a kut ân nghat zoin, “I hmu thei ta?” tîn ân dawn a.

THILTHAWHAI 13:11

Hre rawh, tuhin Lalpa kut i chungah a tla a ni hi, i mit hung indel a ta, khaw var hmu hri naw ti ni,” a ta. Chuongchun, inthim le sûmin ama a baw nghâl ta a, kuta keitu ding zawngin ân vâk a.

THILTHAWHAI 7:36

Ama chun Aiguptaa dâm, Tuipui Sena dâm, thlalêra dâm chun kum sâwmli sûngin thilmak le inchiknahai inhmutirin anni a ṭhuoi suok ta a.

THILTHAWHAI 9:8

Chun, Saula chu hnuoia inthawk chun a tho a; chun, a hang meng a, iengkhawm a hmu thei ta naw a; chuongchun, a kutah an kei a, Damaskaa chun an ṭhuoi lût a.

GALATI 4:24

Chuong thu chu tekhina a nih: chuong nuhmeihai chu thuthlung pahni an nih, pakhat chu Sinai tlânga mi suok ni dinga nau neitu chu, chu chu Hagar a nih.

DÂN PAHNINA 29:1

Horeb tlânga an kuoma thu a thlung bâkah Lalpain Moab rama Israel mihai kuoma Mosie thu ân thlungtir, a thuthlung thuhai chu hieng hi a nih.

DÂN PAHNINA 29:12

Lalpa in Pathien ṭawng inkhâm le a thuthlung Lalpa in Pathienin tuta nangni laia a thlunga hin in lût theina ding le,

DÂN PAHNINA 29:25

Chuongchun, mîn, ‘Aigupta rama inthawk a ṭhuoi suok laia a thuthlung, Lalpa an pi le pu Pathien chu an nghatsan a,