HEBRAIHAI 8:13 - Pathien Lekhabu Inthieng (BSI)

¹³ “Thuthlung thar,” tiin a hril lei khan a hmasa chu a sukhlui tah a nih. Chuongchun, hung hluia hung upa ta chu a bo vâng vâng ta a nih.

HEBRAIHAI 8:13 ပူးပေါင်းရင်းမြစ်များ

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

MATTHAI 24:35

Hnuoi le vân bo a ta, ka thu ruok chu bo naw ni.

LUKA 22:20

Chun, zân bu fâk zoin chuong ang bawkin no chu a lâk a, “Hi no hi ka thisena thuthlung thar chu a nih, in aia suok ding chu.]

1 KORINTH 13:8

Hmangaina hi iengtik khawm bo naw ni a; amiruokchu, thuhrilna dâm hi um sienla khawm suktâwp la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

HEBRAIHAI 1:11

Chuonghai chu la bohmang a ta, Nang ruok chu um sawng ding i nih; Chun, chuonghai po po chu, Silfên angin la hlui a ta,

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 7:22

chuong ang bawka nasa chun Isu chu thuthlung ṭha lem sukdetpuitu a hung ni ta a.

HEBRAIHAI 8:6

Tu ruok hin chu thuthlung ṭha nâwkzuol palai a nizie ang peiin rawngbâwl sin ṭha lem a lo chang ta a, chu thuthlung chu thutiem ṭha lem chungahai siem a nih.

HEBRAIHAI 8:8

Anni demin hieng hi a hril a nih: “Ngai ta, nihai a hung tlung ding a ni tah, Lalpain a tih, Chuong niahai chun Israel sûnghai le, Juda sûnghai lai chun thuthlung thar siem ka ta,

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.