HEBRAIHAI 7:27 - Pathien Lekhabu Inthieng (BSI)

²⁷ Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 7:27 ပူးပေါင်းရင်းမြစ်များ

EZEKIEL 43:19

Levi mi thiempuhai, Zadok thlaa mi ngei chu, keia rawngbâwl dinga kei a mi hnaihai kuoma chun suol thilinhlâna dingin bâwngchal tuoi pêng i tih, Lalpa Pathien chun a tih.

LEVI DÂN 16:11

“Aron chun ama puola suol inthâwina bâwngchal chu lâng a ta, ama le a sûnghai ta dingin intlanna siem a ta; ama puola suol inthâwina bâwngchal chu that a tih.

LEVI DÂN 16:15

“Mipui puola suol inthâwina kêl chu that a ta, a thisen chu puonzâr sûngtienga chun hung lûtpui a ta; a thisen chu bâwngchal thisen a thaw ang bawk khan thâwng a ta, zângaina ṭhungpha le, zângaina ṭhungpha hmabul vêl chu thêng a tih.

LEVI DÂN 16:6

“Chun, Aron chun ama puola suol inthâwina bâwngchal chu inhlân a ta, ama le a sûnghai ta dingin intlanna siem a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:10

Thina chun ama chungah thu a nei ta nawh. A thina chu suol tieng kawnga kumkhuoa dingin vawikhat chau a thi a na, a hringna ruok chu Pathien tieng kawnga hring a nih.

EPHESI 2:22

nangni khawm amaa chun, Thlaraua Pathien umna dinga rem khâwm in nih.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 5:1

Thiempu Laltak taphawt, suolnahai leia thilpêk le inthâwina ân hlân kawp theina dingin, mihriem laia inthawka lâk tuma lo umin, Pathien tieng thilhaia chun mihriemhai ta dingin ruot an ni hlak si a.

HEBRAIHAI 5:3

Chun, chu lei chun, mihai ta dinga an inhlânpêk angin, anni ta ding ngei khawmin suolhai leiin inhlân ve naw thei an ni nawh.

HEBRAIHAI 8:4

Hnuoia hin hung um sien chu Thiempu hrim ni naw tawp a tih; Dân thu ang peia thilpêk inhlântuhai lo um sa an um leiin.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni lovin, ama thisen lem leiin, Hmun Inthienga chun vawikhatah a lût thleng ta nghâl a.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

HEBRAIHAI 9:25

nisienlakhawm, Thiempu Laltak chu kum tinin, mâni thisen naw, thisen chawi puma Hmun Inthiengah a lût hlak angin, ama chu mâni inhlân rawp dingin a lût naw bawk a,

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

HEBRAIHAI 9:7

a dawttua ruok chun Thiempu Laltak chau kum tin vawikhat thisen chawi ngeiin a lût hlak, chu chu mihai le ama suolna ta dingin ân hlân hlak.