HEBRAIHAI 7:26 - Pathien Lekhabu Inthieng (BSI)

²⁶ Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 7:26 ပူးပေါင်းရင်းမြစ်များ

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

FESUOKNA 28:36

“Chun, rângkachak inthieng phêk siem i ta, a chunga chun hmingnamna kerhai angin, ‘Lalpa TA DINGA INTHIENG,’ ti ker i tih.

ISAI 53:9

Chun, thil nunsetaka thaw ngai lovin, a bauah hlêmna hrim hrim um ngai naw sien khawm, a thlân chu mi suolhai kuomah an ruotpêk a, a thi hnung chun mi hausa kuom tieng a um a.

EZEKIEL 44:27

Chun, hmun inthienga, huon sûng tuollai sûngril lema, hmun inthienga rawngbâwl dinga a fe ni chun, a suol thilinhlân chu ân hlân ding a nih, Lalpa Pathien chun a tih.

NAMBAR 29:26

“A ni nga ni chun bâwngchal pakuo, berâmchal pahni, berâmte a chal kum khat mi demkailo sâwmpali;

MATTHAI 27:18

Thîkna leiin ama chu an inmantir ti a hriet si a.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 23:22

Chun, ama chun a vawi thumnaah an kuomah, “Ieng dingin am ie? Hi mipa hin ieng am a suksuol a? Thina khawp meu, a chungah iengkhawm ka hmu nawh; vuong ka ta, kân suo el ding a nih,” a ta.

LUKA 23:41

Eini chu ei tuor âwm tak hrim tuor ei nih, ei thilthaw man indiktak hmu ei ni lem; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheilovin mi feltak a ni phawt el,” a ta. Pathien ân pâk ta a.

LUKA 24:26

Kristain chuong thil chu tuorin a ropuinaah a lût ding a ni hrim naw am a nih?” a ta.

LUKA 24:46

chun, an kuomah, “Hieng ang hin ziek a nih, ‘Krista chun rinum tuor a ta, ni thum niin mithi laia inthawkin thonâwk a tih,

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

THILTHAWHAI 3:14

Mi inthieng le feltak kha in dit naw a, tuolthattu kha in kuoma pêk in ngên ta lem a.

THILTHAWHAI 4:27

“Hi khuoa hin i siehlaw inthieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 7:11

Chuongchun, Levihai thiempu nîna leia famkimna hmu thei a ni chun (chu hnuoia chun mihaiin Dân thu an lo hmu si a), Aron um dân anga ruot lovin, Melkizedek um dân anga thiempu dang hung um hi ieng am a ngai na?

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet si a.

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih: